2015-06-05 07:39:03

دوياى سه‌ردانه‌گه‌ى ئى دوياخر مه‌سعود بارزانى سه‌رۆك هه‌رێم كوردستان و شانده‌ ياوه‌ره‌گه‌ى ئه‌را وڵاته‌يل يه‌كگرتگ ئه‌مريكا، چه‌نه‌ها كومپانياى ناوده‌وڵه‌تى و وه‌تايبه‌ت كومپانيايه‌يل ئه‌مريكى ده‌سپيشخه‌رى ئه‌را هه‌رێم كوردستان ئه‌كه‌ن و ئاماده‌ن نه‌فت كوردستان وه‌ نرخ گرانتر له‌ كومپانياى سۆمۆ ك ئه‌فرووشيده‌ى بسينن.

له‌ى باوه‌ته‌و، سه‌رچه‌وه‌يگ باڵا و ئاگادار له‌ سه‌ردانه‌گه‌ى بارزانى له‌ لێدوانيگ ك(شه‌فه‌ق نيوز)ئاگادارى بوى وت: كومپانيايه‌يل نه‌فت قه‌وڵ ئه‌وه‌يش دانه‌سه‌ بارزانى ك گرفت وه‌رگرتن پويليش ئه‌را هه‌رێم كوردستان چاره‌سه‌ر بكه‌ن ك زويتر عراق ڕى وه‌ حكومه‌ت هه‌رێم نه‌يا ئه‌و پويله‌ ك له‌ڕى فرووشتن نه‌فته‌و ئه‌كه‌فێده‌ ده‌سى و هاتياده‌ بانك توركيا بكيشيده‌ى، وه‌لى وه‌ قسه‌ى سه‌رچه‌وه‌گه‌ ئه‌گه‌ر ئيجاره‌ حكومه‌ت هه‌رێم كوردستان ئه‌و برياره‌ بيه‌يد، ئه‌وه‌ دى گرفتى له‌ كيشانن پويل نامينيد و راسه‌وخۆ ئه‌و نه‌فته‌ ك ئه‌فرووشيده‌ى پويله‌گه‌ى له‌ توركيا وه‌رئه‌گريد.

وه‌ قسه‌ى سه‌رچه‌وه‌گه‌ ئه‌گه‌ر حكومه‌ت هه‌رێم كوردستان ئه‌و ده‌سپيشخه‌ريه‌ له‌و كومپانيايه‌يله‌ قه‌بول بكا، ئه‌و كومپانيايه‌يله‌ ئاماده‌گى خوه‌يان ده‌رخستنه‌ ك پيشه‌كى پويل سه‌ندن نه‌فت كوردستان ئه‌را ساڵيگ بيه‌ن، ئمجا ئه‌گه‌ر وه‌و جووريشه‌ بدێ ئه‌وه‌ حكومه‌ت هه‌رێم هه‌وه‌جه‌ وه‌و قه‌رزه‌ نه‌يريد ك برياره‌ وه‌ بڕ په‌نج مليار دۆلار بكاده‌ى.

له‌ى باوه‌تيشه‌و،كاوه‌ محه‌مه‌د ئه‌ندام ليژنه‌ى وزه‌و نه‌فت له‌ ئه‌نجومه‌ن نوێنه‌ره‌يل عراق ئه‌وه‌ ده‌رخست ك كومپانيايه‌يل نه‌فتى جه‌هانى په‌يوه‌ندى كردنه‌سه‌ حكومه‌ت هه‌رێم كوردستانه‌و تا نه‌فته‌گه‌ى وه‌ نرخيگ گرانتر له‌و نرخه‌ بسينن ك كومپانياى "سۆمۆ"ى عراقى وه‌ريئه‌گريد و ئه‌فرووشيده‌ى.

محه‌مه‌د هه‌ميش وت: هه‌رێم كوردستان وه‌ گووره‌ى ئه‌و ده‌سپيشخه‌ريه‌يله‌ ئه‌تويه‌نيد دوير له‌ كومپانياى"سۆمۆ"ى عراقى نه‌فته‌گه‌ى هه‌نارده‌ى ده‌يشت بكاو له‌باوه‌ت وه‌رگرتن پويليش وت: ئه‌وه‌ گرفتيگ ته‌كنيكيه‌و ئه‌تويه‌نريه‌يد دوياى پرووسه‌گه‌ چاره‌سه‌ر بكريه‌يد.

ج . أ

}