2016-06-05 21:00:59

مه‌ترسى له‌باره‌ى ئاكام هه‌وڵه‌يل ئه‌مريكى ئه‌را بته‌وكردن سوپاى عراقيه‌، وه‌لێ هيزه‌يل حكومى عراقى و لايه‌نه‌يل شيعه‌ په‌لاماره‌يليان له‌وه‌ر هاوردنه‌وه‌ى فه‌لوجه‌س له‌ژير ده‌سڵات ريكخرياگ ترۆريستى داعش، هه‌ر له‌وه‌ر ئه‌وه‌يش ريكخرياگه‌يل ئنسانى مه‌ترسى ئه‌وه‌ ديرن ئى كاره‌ بدێده‌ هووكار به‌رپابوين كاره‌سات ئنسانى وه‌ وجوود نزيكه‌ى 50 هه‌زار له‌ مه‌ده‌نيه‌يل سنى ئابڵوقه‌درياگ له‌ناو شاره‌گه‌.

وه‌رپرسه‌يل وه‌رين وئيسه‌ى سه‌ربازى ئه‌مريكى باس له‌وه‌ ئه‌كه‌ن ك كزى وه‌رده‌وام له‌ يه‌كه‌يل سوپاى عراقى و پشتبه‌سانن وه‌ چه‌كداره‌يل شيعه‌ى هاوپه‌يمان وه‌ليا هه‌وڵه‌گه‌ فراوانتر ئه‌كا ئه‌را حه‌يده‌ر عبادى سه‌رۆك وه‌زيره‌يل له‌ مه‌سه‌له‌ى له‌ناوبردن داعش و وه‌ده‌سهاوردن لايه‌نگرى سنيه‌يل عراقى، ئمجا جيايى تايفى له‌ناونى زوورمينه‌ى شيعه‌و كه‌مينه‌ى سنى هه‌ڕه‌شه‌ له‌ دابه‌شكردن وڵاته‌گه‌ ئه‌كا.

ره‌خنه‌گره‌يليش ريككه‌فتنه‌ له‌بان وجوود بڕێگ سه‌ركه‌فتنه‌يل سه‌ربازى و ئاماژه‌ وه‌و سه‌ركه‌فتنه‌يل وه‌رده‌وامه‌ ئه‌كه‌ن ك له‌لايه‌ن هيزه‌يل تايبه‌ت عراقى ئه‌نجام درياگه‌و له‌لايه‌ن سه‌ربازه‌يل ئه‌مريكيه‌و مه‌شق دريانه‌و ئه‌را ماوه‌ى 2 ساڵه‌ ده‌سكردنه‌سه‌ جه‌نگ داعش، وه‌لێ وجوود سه‌ربازى ئه‌مريكى و شماره‌ى 4000 سه‌رباز شكه‌ست له‌ ئاڵشتكردن ريڕه‌و سياسه‌ت عراقى هاوردگه‌.

ميك بدناريك جه‌نراڵ خانه‌نشين ئه‌مريكى ك سه‌رپه‌رشى هه‌وڵه‌يل مه‌شقداين سوپاى عراقى كرد له‌ناونى ساڵه‌يل 2013 – 2015 وت: سوپاى عراقى له‌ ماوه‌ى هه‌يشت مانگ گوزه‌يشت خاسى فراوانيگ وه‌خويه‌و نه‌يه‌و هه‌ر وه‌و خاتريشه‌ وه‌رپرسيارێتى چه‌ن كيشه‌يگ له‌ كه‌مى شماره‌ى ئه‌و عراقيه‌يله‌ ك مه‌يل په‌يوه‌نديكردن داشتن خسته‌ بان شماره‌يگ له‌ ئه‌فسه‌ره‌يل پۆست نزم عراقى ك كلكردن يه‌كه‌يل سه‌ربازى ئه‌را مه‌شق ره‌ته‌و كردنه‌.

بدناريك وت: تواناى سوپاى عراقى وه‌شيوه‌ى فراوانيگ روى له‌ خاسى نه‌كردگه‌ له‌وه‌ر چه‌ن هووكاريگ و له‌وانه‌يش روى وه‌ڕوى بوينه‌وه‌ى وه‌رده‌وام جوور وه‌رسه‌ربازكردن و مه‌ندنه‌وه‌، ك ئه‌فسه‌ره‌يلمان مه‌شق ئه‌وانه‌ ئه‌يه‌ن ئاماده‌ بوينه‌و گرينگ ئه‌وه‌سه‌ ئيمه‌ متمانه‌ نه‌يريم له‌ ناسنامه‌ى ئه‌وانه‌ ئاماده‌ى مه‌شق بوينه‌.

وه‌رپرسه‌يل سه‌ربازى ئه‌مريكى باس له‌وه‌ ئه‌كه‌ن ك يه‌كه‌يل سوپاى عراقى له‌ گشت عراق له‌ دويره‌و چه‌وديرى هيزه‌يل تايبه‌ت عراقى و چه‌كداره‌يل شيعه‌ ئه‌كه‌ن و خاكه‌يل ژير ده‌سڵات داعش ئازاد ئه‌كه‌ن و شايه‌ت ئه‌و چه‌كداره‌يليشه‌ نه‌ف له‌ بۆشايى ده‌سڵات وه‌ربگرن دوياى راوناين ريكخرياگ ترۆريستى داعش.

ئه‌فسه‌ريگيش ك حاڵ حازز وجوود ديرێد له‌ناو سوپاى ئه‌مريكى وت: ئه‌بو مهدى ئه‌لموهه‌ندس سه‌ركرده‌ى شيعه‌ ده‌سڵات له‌بان سه‌ركردايه‌تى فه‌رمانده‌يى سوپاى عراقى ديرێد له‌ پاريزگاى سه‌ڵاحه‌دين، ك يه‌يش له‌لايه‌ن وه‌رپرسيگ ئاسايشى عراقى و سێ وه‌رپرس تر عراقييش جه‌خت له‌لى كريا ك چه‌وديرى بارودوخه‌گه‌ ئه‌كه‌ن له‌ پاريزگاگه‌.

وه‌رپرسيگ گه‌وراى سه‌ربازى ئه‌مريكى و سێ وه‌رپرسيش له‌ حكومه‌ت عراقى باس له‌وه‌ ئه‌كه‌ن ك هيزه‌يل تايبه‌ت عراقى دوياى سه‌ركه‌فتنى وه‌ پشتگيرى په‌لاماره‌يل ئه‌مريكى له‌ هاوردنه‌وه‌ى نه‌فتپاڵوو ستراتيجى بێجى له‌ مانگ ته‌شرين يه‌كه‌م گوزه‌يشت بڕيگ له‌ چه‌كداره‌يل شيعه‌ ده‌سكردنه‌سه‌ دزيكردن گشت ئه‌و كه‌ره‌سه‌يله‌ ك قورتار كريانه‌ له‌ نه‌فتپاڵووگه‌.

وه‌ل ئه‌وه‌يشا وه‌رپرسه‌يل وه‌رين و ئيسه‌ى سوپاى ئه‌مريكى و سه‌ركرده‌يل سنييش له‌ ناوچه‌گه‌ ئاماژه‌ وه‌ ئه‌وه‌ ئه‌كه‌ن و ئويشن: ئه‌و گرووپه‌يل چه‌كداره‌ هيمان ئستغلال ئه‌و بۆشاييه‌ ئه‌كه‌ن ك دياره‌ له‌ ناوچه‌يل سنى نشين و له‌وه‌خت نه‌وين سوپاى عراقى ئه‌وان وه‌ ئاره‌زوو خوه‌يان ره‌فتار ئه‌كه‌ن.

كريس جارفر قسه‌كه‌ر وه‌ناو سوپاى ئه‌مريكى له‌ عراق وت: هيزه‌يل ئه‌مريكى وه‌ل ئه‌و هه‌مگه‌ سه‌ختيه‌يله‌ ك ئه‌ياده‌ تويشيان، وه‌لێ باوه‌ڕيان ئه‌وه‌سه‌ يه‌كه‌يل سوپاى عراقى دوياى مه‌شقداينيان روى له‌ خاسى ئه‌كه‌ن و له‌ هه‌مان وه‌خت ئاماژه‌ وه‌ پيشڕه‌وى كه‌تيبه‌يل سوپا كرد له‌ ناوچه‌يليگ له‌ ده‌ورگرد فه‌لوجه‌ جوور ئاماژه‌يگ ئه‌را سه‌ركه‌فتن.

جارفه‌ر باوه‌ڕى ئه‌وه‌سه‌ ك به‌ش شير له‌ په‌لاماره‌يل سه‌ربازى ئه‌كه‌فێده‌ هيزه‌يل تايبه‌ت عراقى و حكومه‌ت عراقييش پشت وه‌ هيزه‌يل فه‌رماندده‌يى تايبه‌ت به‌ساگه‌و له‌ هه‌مان وه‌خت نگه‌رانى ئه‌وه‌يش هه‌س ئه‌و هيزه‌يله‌ كزه‌و بوون له‌ كرده‌وه‌يل جه‌نگى.

هه‌ر وه‌و خاتريشه‌ وه‌رپرسه‌يل وه‌رين و ئيسه‌ى ئه‌مريكى باوه‌ڕيان ئه‌وه‌سه‌ ك په‌لاماره‌يل سه‌ربازى ئه‌را ئازادكردن شار ئابڵوقه‌درياگ فه‌لوجه‌ جاريگتر كزى يه‌كه‌يل سوپاى نزامى ده‌رئه‌خا.

FaceIraq
}