2019-09-04 22:45:03

دادوه‌ر عيماد عه‌بدوڵڵا/ مه‌رج سزايى ناسريا وه‌ ئه‌وه‌گ هه‌ردوگ لايه‌ن بريگ پويل جوور پيشه‌كى ديارى ئه‌كه‌ن وه‌و جووره‌گ هه‌ق قه‌رزبه‌ره‌ ئه‌گه‌ر قه‌رزار پابه‌ندى خوه‌ى جى وه‌جێ نه‌كا يا هه‌ڵوه‌شنێده‌وه‌ى يا دويا كه‌فت لة جيوةجيكردنى، ك يه‌يش مه‌رجيگه‌ له‌وه‌ر ئه‌وه‌گ له‌ بنه‌ڕه‌ته‌و له‌ مه‌رجه‌يل ريككه‌فتنه‌گه‌ دانريه‌ێد تا قه‌ره‌بوو خاوه‌ن قه‌رزه‌گه‌ وه‌پى بكريه‌ێد له‌بان بنه‌ماى، وه‌لێ نواگيرى له‌ وه‌هويرخستنى نيه‌ له‌ ريككه‌فن دوياتريگ له‌ ريككه‌فتنه‌ ئه‌سڵه‌گه‌ ك ئه‌ويش سزايگه‌ له‌بان قه‌رزبه‌ر چه‌سپيه‌ێد له‌وه‌ر جيوه‌جى نه‌كردن پابه‌ندى يا دوياكه‌فتن له‌ جيوه‌جيكردنى ك يه‌يش مينێده‌ زمه‌تى، ك بايه‌سه‌ وه‌رجه‌ جێ وه‌جێ نه‌كردنى ريككه‌فتن له‌بانى بكريه‌ێد، وه‌نا جوور سوڵحيگ هساو ئه‌دێ دوياى ده‌سخڕه‌كردنى، ك ماده‌ى 170 له‌ ياساى مه‌ده‌نى ئاماژه‌ وه‌ مه‌رج سزايى كردگه‌.

 

وه‌لێ عه‌ره‌بون، پيشه‌كييگه‌ يه‌كيگ له‌ عه‌قدكه‌ره‌يل(بسين)پيشكه‌شى ئه‌كا له‌وه‌خت فرووشتن، ئه‌ويش نيشانه‌ى ته‌واوى عه‌قده‌گه‌ يا نرخيگه‌ ئه‌را بژارده‌ى په‌شيمانى و ئامانج له‌لى يا مقه‌يه‌تيكردنه‌ له‌ هه‌قه‌گه‌ ئه‌را هه‌ريه‌ك له‌ليان له‌ په‌شيمان بوينه‌وه‌ وه‌ ئه‌وه‌گ بايه‌سه‌ په‌شيمانه‌ بيه‌ێده‌ لايه‌نه‌گه‌ى تر يا ئه‌وه‌سه‌ وه‌رجه‌ جى وه‌جيكردنى جه‌خت بكا له‌ داين عه‌ره‌بون، ك يه‌يش له‌ ماده‌ى 92 له‌ ياساى ناوبرياى ئاماژه‌ وه‌پى كرياگه‌.

 

له‌يرا مه‌رج سزايى وه‌ل عه‌ره‌بون يه‌كه‌و ئه‌گرن له‌وه‌گ سه‌رچه‌وه‌ى هه‌ريه‌ك له‌ليان ريككه‌فتنه‌ و مه‌به‌س له‌ليان زه‌مانه‌تكردنه‌ ئه‌را جێ وه‌جيكردن پابه‌ندى و دويا نه‌خستن، وه‌لێ جيوازييگ هه‌س له‌ناونى هه‌ردوگلا، مه‌رج سزايى ئه‌وه‌سه‌ قه‌ره‌بوو ريككه‌فتن له‌و زه‌ره‌ده‌ بكريه‌ێد ك تويش قه‌رزده‌ر ئه‌ياد له‌ ئه‌نجام دوياكه‌فتن قه‌رزبه‌ر له‌ پابه‌ندى.

 

وه‌لێ عه‌ره‌بون ئه‌و بره‌ پويله‌سه‌ ك يه‌كيگ له‌ليان ئه‌ياده‌ى ئه‌واكه‌ى تر له‌وه‌خت ريككه‌فتن، ئه‌ويش له‌وه‌ر هه‌ق په‌شيمانى ئه‌را هه‌ر يه‌كيگ له‌ليان، ك ئه‌گه‌ر راس بوێ له‌ داينى ئه‌وه‌ له‌ده‌س ئه‌ياده‌ى و ئه‌گه‌ريش پابه‌ند بدێ وه‌ ريككه‌فتنه‌گه‌ ئه‌وه‌ عه‌ره‌بونه‌گه‌ ئه‌ياده‌ دوياوه‌ ئه‌راى ك ته‌نانه‌ت ئه‌گه‌ر هويچ زه‌ره‌ديگيش نه‌كه‌فێده‌ بانى، وه‌لێ ئه‌و بڕه‌ پويله‌ ك ريككه‌فتنه‌ له‌بانى له‌ مه‌رج سزايى ئه‌وه‌ قه‌رزده‌ر هه‌ق له‌لى نه‌يرێد ته‌نيا مه‌گه‌ر له‌وه‌خت زه‌ره‌د له‌وه‌ختيگ ك لايه‌ن وه‌رانوه‌ر پابه‌ندى نه‌ياشتگه‌ يا دوياكه‌فتگه‌، وه‌ل ئه‌وه‌يشا ئه‌دێ ئه‌و بڕه‌ پويليشه‌ كه‌مه‌و بكريه‌ێد له‌ مه‌رج سزايى تا بگونجيه‌ێد وه‌ل زه‌ره‌ده‌گه‌، وه‌لێ عه‌ره‌بون له‌ڕاسى نه‌بايه‌د كه‌مه‌و بكريه‌ێد ته‌نانه‌ت ئه‌گه‌ر زه‌ره‌ديش وه‌ لايه‌ن تر نه‌ڕه‌سنێد.

 

ئمجا له‌وه‌ر ئه‌وه‌گ مه‌رجج سزايى جوور قه‌ره‌بووه‌، ئه‌وه‌ قه‌رزده‌ر هويچ بژارده‌يگ نه‌يرێد له‌ناونى جى وه‌جێكردن پابه‌ندى و ناونى وازهاوردن له‌لى، وه‌لێ عه‌ره‌بون له‌وه‌ر ئه‌وه‌گ مقابليگه‌ يا نرخيگه‌ ئه‌را هه‌ق ريككه‌فتنكار له‌ په‌شيمانبوينه‌وه‌ له‌و ريككه‌فتنه‌ ك ئمزا كرياگه‌، ئه‌وه‌ له‌ى حاڵه‌ته‌ دريه‌ێده‌ خاوه‌ن هه‌ق جوور په‌شيمانى، ك نه‌بايه‌د خراو باريه‌ێده‌ كار، چوينكه‌ له‌ حاڵه‌تيگ ئه‌گه‌ر خراو هاوريا كار ئه‌وه‌ عه‌ره‌بونه‌گه‌ له‌ده‌س ئه‌چێد و پابه‌ندى وه‌ قه‌ره‌بوو ئه‌كه‌فێده‌ لاى دادوه‌ر وه‌گووره‌ى هه‌ڵكه‌فت مه‌سه‌له‌گه‌و گشت كيشه‌يگ.

}