2019-01-06 19:53:00

شه‌فه‌ق نيوز/ كريسوف كولمبوس(سه‌ره‌ڕوو ده‌ريايى) هه‌ردوگ كشوه‌ره‌يل ئه‌مريكى ئاشكرا كرد و هه‌ناى ك بڕيار دا له‌تى بژيه‌ێد مه‌ردم ده‌سكردنه‌ كلكردن زيندانيه‌يل حوكمدرياێ كه‌ڵه‌كه‌بوێ وخاوه‌ن سه‌د ساڵ و زياتر و هيزيگ وه‌رده‌وام هات ناويان و سه‌رۆكه‌گه‌ى ناونان شه‌ريف، چوينكه‌ ئه‌وانه‌ك هاتوين گشتيان تاوانبار بوين و هه‌ناى ك داوه‌زين ده‌يشت كناراوه‌يل خوه‌رهه‌ڵات رويه‌گه‌ێ په‌نج كيلۆمه‌تر بوێ و پانيه‌گه‌يشى وه‌گووره‌ى تواناى زيندانييگ ديارێ كريا وه‌پى درياو ئه‌و پارچه‌ شوونه‌ بوياده‌ موڵكى و دوياخريش مه‌سه‌له‌گه‌ په‌ره‌ سه‌ند و له‌شوون ئه‌وه‌يش خاوه‌ن ئه‌زموونه‌يل و سته‌مديده‌يل له‌ سياسيه‌يل و مه‌سه‌له‌گه‌ بنيات نا له‌بان(ساڵ نوو داڵ نوو)، دى كۆمه‌ڵگايه‌يل له‌بان خاك دروس بوێ و ناو نريا به‌هه‌يشت تازه‌و دى له‌يوا په‌ره‌ سه‌ند و بويه‌ ده‌وڵه‌ته‌يل و يه‌كه‌و گرتن تا ئمڕوو ده‌سڵات بان گشت جه‌هان وه‌ ته‌نيا داشتوون.

 

دوياى 2003 ئه‌و ئه‌زموونه‌ له‌بان عراق جيوه‌جێ بوێ، ك نزيكه‌ى په‌نجا هه‌زار زيندانى له‌ نه‌زه‌ريه‌ێ چه‌رمگه‌وكردن زيندانه‌يل ئازاد كريان و گشتيان حوكمدرياێ بوين مه‌گه‌ر وه‌ ده‌گمه‌ن نه‌ود، وه‌لێ له‌يراوه‌ ده‌سكردنه‌ ته‌نزيدكردن كتاو له‌بانى و بكوش بوين، وه‌جووريگ ك كوشتن پياو مامڵه‌كردن بوێ، ئه‌ويش له‌وه‌ر نه‌ريته‌يل عه‌شايرى و دارايى و خه‌ڕگه‌ زياتر خه‌سه‌و بوێ ك له‌شوونه‌يل تره‌و له‌ وڵاته‌يل جه‌هانه‌و هاوتوين وه‌ ئه‌قڵيه‌تيگ ئايننى ك هه‌وڵ زينگه‌وكردن ميراته‌يل باپيره‌يليان ديان.

 

تاوانه‌يل له‌بان هيزه‌يل غازێ سه‌خته‌و بوين و هيشته‌مانه‌ قه‌ده‌ر خوه‌نات و نفوزه‌يل له‌ كويچه‌وه‌ ئاڵشت بوين ئه‌را جاده‌و چينه‌ ناو جه‌هان بازرگانى و بويه‌ ئاژاوه‌ى وه‌رده‌وام تا ره‌اده‌يگ هويچ هووكاره‌يليگ وه‌ليان فايده‌ نه‌ياشت و ئه‌وانه‌گ هاتنه‌ له‌لايه‌ن ده‌وڵه‌ته‌يله‌و پشتگيرى كريانه‌و كومپيوته‌ره‌يل په‌يوه‌س وه‌ل مافيه‌يل ناوده‌وڵه‌تى بوێ و له‌يوا كرد مه‌ردم هوير له‌ توتاليتارى(حوكم تاكه‌كه‌سى) بكه‌ن، دى ئنسانيه‌ت گشتى هه‌ڕه‌شه‌ له‌ليكرياێ بوينه‌ تا ڕاده‌يگ ك به‌شه‌ريه‌ت قه‌بولكردن ئاده‌ميزاد هاتگ له‌و ناوچه‌يله‌و ناكه‌ن هه‌رچه‌نى زوڵمليكرياگيش بوون، ئمجا ئه‌گه‌ر هه‌وه‌جه‌ وه‌و وڵاته‌يله‌ نه‌كريه‌ێد جوور سه‌رچه‌وه‌ى پيشينه‌ و وزه‌ و جوور بازاڕيگ ئه‌را سه‌رفكردن كاڵا، ئه‌وه‌ ده‌ورگردمان مه‌حكمه‌و ئه‌كريا و هه‌ر وه‌و جووريشه‌ مه‌سه‌له‌ ئه‌را ئه‌مريكيه‌يل و ئوستاراليا كه‌نه‌دا كه‌فته‌و ك جه‌نگه‌يل هاوشيوه‌ێ به‌ره‌يل سه‌ربازێ ئه‌را جه‌نگ مه‌ردمى وه‌پى هات و په‌ل وه‌ره‌و كووچكردن كوتاو سوپايش وه‌ غاز جه‌نگ ئه‌كاو په‌ره‌ سه‌ند ئه‌را دروسكردن ته‌لبه‌ن ئه‌لكترۆنى و كاره‌بايى.

 

دى ئه‌وه‌گ گوزارنى ئه‌كه‌يم له‌ عراق نموونه‌يگه‌ له‌ مه‌ينه‌تى ئاده‌ميزاد ك كه‌ ته‌نيا وه‌ ده‌رخستن تاوان تاوانه‌يليگ تر ده‌ركه‌فێد و شايه‌ت له‌لاى ئيمه‌يش مه‌ردم خراوتر بوون و هوير له‌ حكومه‌ته‌يل تون وتيژ و سته‌مكار بكه‌ن و ئعلان له‌بان ره‌خنه‌ى نازى و فاشيستى و ديكتاتۆرى بووسنن، نه‌ك هه‌ر ئه‌وه‌يش، به‌ڵكوو بڕيگ مه‌ردم وه‌ ئاشكراى داواى هاوردنه‌وه‌يشى ئه‌كه‌ن.

سه‌ڵاح مه‌نده‌لاوى

YesIraq