2011-02-03 11:41:59

ته‌ماشا بكه‌ دونیا چه‌ن جوانه‌

سه‌یرو سه‌فاسه‌ چه‌پڵه‌ڕیزانه‌

سوار سواره‌  تیره‌نازیه‌

وه‌گشت باوه‌تى ملله‌ت ڕازیه‌

شووڕه‌ سواره‌یل ده‌س كردنه‌ وه‌راو

كیه‌نیه‌یل وشك پڕ بوینه‌ له‌ ئاو

سه‌راو چه‌م و كه‌ژ گوڵه‌ریزانه‌

به‌زم و شادیه‌ له‌ى نیشتمانه‌

ئاوایه‌یل كورد ئه‌ول سیاماڵ

گشتى هه‌راسه‌ و ده‌نگ قاڵه‌قاڵ

شوان وه‌بى ترس شه‌واژوو ده‌یگن

ڕى گورگ نه‌ماگه‌، گورگى بكه‌یگن

مناڵه‌یل گه‌ردن له‌ شوون به‌رات

مزگانى توان شیرین و خه‌ڵات

كوڕه‌یل و دویه‌ته‌یل چووپى گرتنه‌

كورده‌وارى جاران تازه‌و كردنه‌

گورانى چڕه‌یل عاشقه‌یل وه‌ سووز

گشتیان خوه‌شاڵن جوور ئه‌ید نه‌وڕووز

كورده‌ماڵه‌یلمان گشت ئاوه‌دانه‌

له‌ بن خه‌ریك باخ و بووسانه‌

تافه‌ى ئاو زڵاڵ له‌ چه‌م و دووڵه‌یل

شاقه‌ى كه‌و تیه‌یگن ده‌نگ بوڵبوڵه‌یل

ژنه‌یل ئاواى قانگ مه‌شكه‌ ده‌ن

دویا ملكه‌وانه‌یل شماره‌ى په‌س كه‌ن

جاڕچییش جاڕ كیشى هه‌ى كورده‌ ماڵان

چیمن ئه‌و جووش جاره‌گه‌ى جاران

YesIraq
}