2019-01-08 19:18:00

شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ له‌وه‌ر كووتاييهاوردن وه‌ كيشه‌ى فه‌له‌ستين باس له‌ لاوردن دو ده‌وڵه‌ت كرد.. ئه‌لحه‌كيم روێ وه‌ڕوێ گه‌رده‌لويليگ له‌ محوه‌ر روێ وه‌ڕوێ بوينه‌وه‌ وه‌ل ئه‌مريكا و ئسرائيل.. ئه‌لحه‌كيم وه‌ زينگى و وه‌مردگى له‌لايه‌ن ئه‌را لێپرسينه‌وه‌ى په‌رله‌مانى.. كاره‌گه‌ له‌يرا ئه‌وه‌سه‌ ئه‌و هيزه‌يله‌ ك په‌لامار ئه‌لحه‌كيم دان ئه‌وه‌سه‌ ك ئاشكراس وه‌ لايه‌نگريى ئه‌را هه‌ڵويست ئيرانى.. له‌ڕاسى كيشه‌ى فلستينى كيشه‌يگ محوه‌ريه‌ وه‌و مه‌رجه‌ ك لێدوان و هه‌ڵويسته‌يل نه‌ونه‌ لێدوان و هه‌ڵويسته‌يليگ دژ وه‌ وه‌كاربردن سياسى يا بازرگانيكردن.. ئه‌لحه‌كيم يه‌كه‌مين وه‌زير عراقيه‌ له‌ساڵ 1947ه‌و تائيسه‌ كوچگ ئه‌خاده‌ ناو ئاوه‌يل مه‌ن و وه‌شيوه‌يگ ناته‌قليدى هاوار له‌بان كيشه‌ى فلستين و مه‌ركه‌زيه‌تى ئه‌كا، ك يه‌يش دروشمه‌يليگه‌ قه‌وميه‌يل و ئسلاميه‌يل وتيانه‌ى و به‌شدارى له‌تى وه‌ل ئه‌و ئيرانيه‌يله‌ كرديان ك قورتار بوين له‌ شاى ئيران و باڵه‌خانه‌ى باڵيۆزخانه‌ى ئسرائيلى ئاڵشت كردن ئه‌را باڵه‌خانه‌ى ده‌وڵه‌ت فلستين له‌شوون ساڵ 1978، ئمجا هه‌رچه‌نى جه‌نگ له‌ناونى رژيم ئسلامى له‌ ئيران و رژيم قه‌مى له‌ عراق له‌ساڵ 1980 روێدا، وه‌لێ ياسر عه‌ره‌فات جى پيشوازێ بوێ له‌ ته‌هران و به‌غدا له‌ هه‌مان وه‌خت.

 

رووژگار ئاڵشت ئه‌دێ, ئه‌مريكا ئاماده‌گى ئه‌را دامه‌زرانن محوه‌ريگ عه‌ره‌بى ئسرائيلى ئه‌كاو وه‌رجه‌ ئه‌وه‌يش دوسيه‌ى يه‌مه‌ن و سوريا ئه‌نجام ئه‌گرێد، ئاماده‌كاريه‌يليش له‌ حوكم سعوديه‌ وه‌ سه‌رۆكايه‌تى محه‌مه‌د بن سه‌لمان وه‌ل لاكردنه‌وه‌ى تونيگ ئه‌را گه‌مارۆ ئه‌مريكى له‌بان ئيران وه‌ ئامانج ئه‌وه‌گ هيزداينى ئه‌را گفتگوو وه‌ل واشنتۆن ناوه‌ڕووكيگ ريككه‌فتن تازه‌س له‌باره‌ى دوسيه‌ ئه‌تۆميه‌گه‌ى و مووشه‌كه‌ باليستيه‌گه‌ێ.

 

ئامانج له‌ ناتۆ تازه‌، ته‌حجيمكردن رۆڵ ئيران و هيزه‌يل لاينگريه‌ له‌ عراق و يه‌مه‌ن و فلستين و لوبنان، ده‌سپيشخه‌ريه‌يل جه‌نگيش دژ وه‌ئيران خوه‌ى ئاسووه‌و ده‌رخه‌ێد، يا ته‌نانه‌ت ئه‌و جه‌نگه‌ ك ته‌هران ئه‌نجامى ئه‌ياد له‌وه‌ر هووكاريگ دياريكرياگه‌. وه‌لێ جمشته‌يل مقاومه‌ گرژى دژ ئسرائيل وه‌كار ئه‌يه‌رێد وه‌ شه‌فاعه‌ت هه‌ڵويسته‌يليگ ناوچه‌يى له‌ عراق وه‌شيوه‌يگ تايبه‌ت، ك فريه‌يگ له‌ سه‌ركرده‌و دبلۆماتكاره‌يل عه‌ره‌ب و شيه‌وكه‌ره‌يل سياسى و رووژنامه‌نويسه‌يل ناڕه‌حه‌تن له‌ كيشه‌ى فلستين و كاره‌يلى، وه‌ل ئه‌وه‌يشا پايته‌خته‌يل هه‌ن پيشوازى له‌ وه‌رپرسه‌يل گه‌وراى ئسرائيلى و شانده‌يل وه‌رزشى و كۆنگره‌و چالاكيه‌يل جوراوجوور و باڵيۆزخانه‌يل ئه‌كه‌ن و له‌بان عراق ئه‌كه‌نه‌ى فه‌رمى ك بايه‌سه‌ هه‌ڵويست نيشان بيه‌ێد هه‌ناى ك گه‌رده‌لويل ئه‌مريكى له‌ ناوچه‌گه‌ له‌ساڵ 2019، ك وه‌جووريگ خوه‌نينه‌وه‌و له‌يه‌كه‌وداينيه‌يليگ ئاماژه‌ وه‌ئه‌وه‌ ئه‌كه‌ن روێداگيگ گه‌ورا هه‌س و جه‌هان چه‌وه‌ڕێى ئه‌كاو په‌يوه‌سه‌ وه‌ كيشه‌ى فلسينى و وجوود و رۆڵ ئيران و توركيا و هيزه‌يل هاوپه‌يمان ئسلامييش وه‌ليا وه‌تايبه‌ت وه‌ل كووچ عه‌ره‌بى ئه‌را جيوه‌جيكردن. ئمجا ئايا وه‌ختيگ ئه‌ياد ك عراق له‌تى دگان وه‌ ئسرائيل بنه‌ێد، يا وه‌رپرسيارێتى دگان وه‌پياناين بخريه‌ێده‌ بانى، ئايا هيزه‌يل نواگيريكه‌ر سياسى و سه‌ربازێ عراقى تواناى وسيان ديرێد له‌ ڕوێ تسونامى ترامپ؟

هادى جله‌و مه‌رعى

YesIraq