2017-10-30 17:35:00

شه‌فه‌ق نيوز/ كازم ساهر ئاساره‌ێ ناودار عراقى چه‌ن مه‌رجيگ دانا ئه‌را ئه‌وه‌گ له‌ ئاهه‌نگيگ خێرخوازى گورانى بچڕێد ك له‌ هه‌وارگه‌ێ "مازاغان" له‌ وڵات مه‌غرب له‌ نۆفه‌مبه‌ر/ ته‌شرين دويه‌م ساز ئه‌كريه‌ێد.

 

له‌ى باوه‌ته‌و، رووژنامه‌ێ ئه‌لنه‌هار وت: ره‌زامه‌نى ساهر دوياى سێ مانگ له‌ گفتگوو بويه‌و مه‌رج ئه‌وه‌يش داناگه‌ له‌و ئاهه‌نگ خێرخوازيه‌ خوارنه‌وه‌و كاميرا وجوود نه‌ياشتوود بيجگه‌ قه‌يه‌غه‌كردن وجوود مێز نانخواردنيش و ته‌نيا هه‌ر كورسى ئه‌را دانيشتن بنريه‌ێد.

 

جى باسه‌، ئاشكراس ك ئه‌وانه‌گ سه‌ردان ئى هه‌وارگه‌ ئه‌كه‌ن له‌ چين ده‌وڵه‌مه‌ن و دارنده‌يلن و ئاهه‌نگه‌يل گه‌ورا له‌تى ساز ئه‌كريه‌ێد، وه‌لێ ساهر بڕيار ئه‌وه‌ دا داهات ئاهه‌نگه‌گه‌ێ له‌ى هه‌وارگه‌ ته‌رخان بكه‌ێد ئه‌را چاره‌سه‌ر ئه‌و مناڵه‌يله‌ ك تويش نه‌خوه‌شى شيرپه‌نجه‌ هاتنه‌.

YesIraq
}