2017-04-10 15:01:00

شه‌فه‌ق نيوز/ وه‌كارهاوه‌ره‌يل تووڕ په‌يوه‌نديه‌يل كۆمه‌ڵايه‌تى بڕيگ له‌ وێنه‌يل خانمه‌ هونه‌رمه‌ند مسرى شيرين سه‌يفولنه‌سر خستنه‌ وه‌ر ديد ته‌ماشاكه‌ره‌يل و مه‌ردميش سه‌ريان سوڕ مه‌ند وه‌ وازهاوردن شيرين له‌ كاره‌يل سينه‌مايى و ته‌له‌فزيۆنى سه‌ركه‌فتگى.

 

شيرين له‌ ئوردن له‌دايگ بويه‌، له‌ باوگيگ مسرى له‌ ڕه‌گه‌ز شه‌ركسى و داڵگيگ فلستينى له‌ بنه‌ماڵه‌ى هاشم ئه‌لمه‌قدسيه‌ و له‌ساڵ 1991 كۆلێژ هقوق ته‌مام كردگه‌و ئه‌را ماوى چه‌ن ساڵێگ له‌ فره‌نسا ژياگه‌و چه‌وى كه‌فته‌سه‌ هونه‌رمه‌ند يوسف فره‌نسيس له‌وه‌خت كاركردنى له‌ورا له‌ باڵوێزخانه‌ى مسرى و ئه‌ويش برده‌سه‌ى ئه‌را سينه‌ما و دوياخريش ئه‌را ته‌له‌فزيۆن، ئمجا شيرين له‌ساڵ 1996 واز له‌ هونه‌ر هاورد له‌ دوياى هاوسه‌رگيرى، وه‌لێ جاريگتر گله‌وخوارد ئه‌را هونه‌ر له‌ دوياى ته‌لاق.

 

جى باسه‌، شيرين 3 جار هاوسه‌رگيرى ئه‌نجام داگه‌، يه‌كه‌ميان له‌ پياويگ ده‌وڵه‌مه‌ن سعودى، دويه‌ميش له‌ گورانيچڕ مه‌دحه‌ت ساڵح، سێيه‌ميش له‌ دكتۆر رائف ئه‌لفقى ك يه‌يش چه‌ن مانگ كيشاو هه‌ر وه‌ ته‌ڵاق كووتايى وه‌پى هات.

YesIraq
}