2016-12-26 17:59:00

شه‌فه‌ق نيوز/ ره‌نگى ژيان، ناو تازه‌ترين به‌رهه‌م تايبه‌ت وه‌ هونه‌رمه‌ند ناسرياگ كورد نزار زێوێى، ك له‌بان مه‌قامه‌يل نه‌هاوه‌ند و ماهور و حيجازه‌و وه‌ ريتم 2/4 و وه‌ياوه‌رى بڕيگ له‌ ئامێره‌يل خوه‌رهه‌ڵاتى و خوه‌رئاوايى.

 

ئى به‌رهه‌م تازه‌ ميوزيك و دابه‌شكردن له‌لايه‌ن زێوێى و زه‌رب و ده‌ف و ئيقاع كويزه‌يش له‌لايه‌ن جه‌نگين جه‌مال و كار دراواردنيش له‌لايه‌ن شادمان محه‌مه‌د و كار وێنه‌گرتنيش له‌لايه‌ن سيروان ئه‌كره‌م و مۆنتاژ و كه‌له‌رينگ له‌لايه‌ن هه‌رێم نورى ئه‌نجام درياگه‌ له‌ ستۆديۆى "گرووپ ميوزيك لوڕ".

 

نزار زێوێى ئه‌را(شه‌فه‌ق نيوز)باس له‌وه‌يش كرد و وت: هه‌وڵ ئه‌وه‌ دامه‌ گرينگى وه‌ ته‌كنيكى ئامێره‌گه‌م بيه‌م و تواناى خوه‌م نمايش بكه‌م له‌بان ئامێره‌گه‌.

 

جى باسه‌، زێوێى هه‌ميش وت: ئه‌رك وێنه‌گرتن و كليپ به‌رهه‌مه‌گه‌ له‌لايه‌ن "خاك تيڤى"ه‌و ئه‌نجام درياگه‌و له‌ هه‌مان وه‌خت سوپاسگوزارييش له‌ مه‌ردم نيشته‌جى ئاوايى زێوێ كرد وه‌تايبه‌ت له‌ دايگ و باوگ خوه‌ى ك وه‌قسه‌ى خوه‌ى هه‌ردوگيان به‌شدارن وه‌ليا.

YesIraq
}