2017-03-04 15:38:00

شه‌فه‌ق نيوز/ ديمه‌ن زه‌ندى هونه‌رمه‌ند و ئه‌كته‌ر بوار سينه‌ماو دراما ك چه‌ن ساڵيگه‌ خه‌ريك كاركردنه‌ له‌و بواره‌، باس له‌وه‌ ئه‌كا ك ئه‌گه‌ر له‌ كاريگ هونه‌رى، ديمه‌نه‌يل ماچكردن له‌تى بدێ، شه‌رمى نايه‌ێد و ئاساييه‌ له‌لاى ئه‌و رۆڵه‌ بوينێد.

 

زه‌ندى ئه‌را باسنيوز باس له‌ ژيان خوه‌ى كردگه‌و وتگه‌: من دويه‌ت خوه‌رهه‌ڵاتم  و ساڵ 1990 له‌شار سنه‌ى كوردستان له‌ خيزانيگ هونه‌رى هاتمه‌سه‌ دونياو دويه‌ت هونه‌رمه‌ند "عه‌لى زه‌ندی"یم و هه‌ر له‌ مناڵييه‌و ئاشق كاره‌يل هونه‌رى بويمه‌و سه‌ره‌تا وه‌ شانۆ ده‌س وه‌ كار هونه‌رى كردم و ماوه‌ى شه‌ش ساڵيشه‌ وه‌ وه‌رده‌وام كار هونه‌رى ئه‌كه‌م.

 

جى باسه‌، زه‌ندى هه‌ميش وت: يه‌كيگ له‌ سفه‌ته‌يل گرينگ ئه‌كته‌ر ئه‌وه‌سه‌ ك نادێ شه‌رم بكا، منيش شه‌رم نيه‌ وه‌لامه‌و ئه‌گه‌ر له‌كاريگ هونه‌رى ماچ بكريه‌م، وه‌لێ ئيسه‌ ئيچنه‌ رۆڵيگ ئه‌را من ناتگه‌و ئه‌گه‌ريش هات ئه‌وه‌ داوا له‌ دراوه‌ره‌گه‌ ئه‌كه‌م ئه‌و ماچكردنه‌ وه‌ شيوازيگ تر نيشان بيه‌ێد.

YesIraq
}