2016-11-25 11:24:00

شه‌فه‌ق نيوز/ ئيلهام شاهين خانمه‌ ئه‌كته‌ر مسرى جوور ئه‌كته‌ريگ له‌ساڵ 1978 له‌ بوار سينه‌ما ده‌ركه‌فت و به‌شدارى له‌ 83 فيم سينه‌مايى كردگه‌ وه‌ل دو شانۆگه‌رى و 34 دراما ك ديارترينيان دارماى"ليالي الحلمية"بوى.

 

ئيلهام شاهيمن له‌ ديداريگ ئه‌را باس ئاشكراى ئه‌وه‌ كرد ك فريه‌ حه‌ز كردگه‌ چه‌وى بكه‌فێده‌ كوردستان و هه‌ولێر، چوينكه‌ وه‌قسه‌ى خوه‌ى هاوڕيه‌يلى فريه‌ باس له‌ جوانى كوردستان و هه‌ولێر ئه‌راى كردنه‌.

 

جى باسه‌، ئى خانمه‌ هونه‌رمه‌نده‌ باس له‌وه‌يش كرد و وت: دو جار ئه‌رفه‌ت ئه‌رام هه‌ڵكه‌فت سه‌ردان كوردستان بكه‌م، وه‌لێ هه‌ردوگ جاره‌گه‌ له‌ده‌سم چى، يه‌كه‌ميان له‌ساڵ 2013 ك خه‌ريك فيستيڤاڵ ناوده‌وڵه‌تى شانۆ بويم و نه‌تويه‌نستم ئه‌و سه‌ردانه‌ بكه‌م، دويه‌مجاريش وه‌ بوونه‌ى فيستيڤاڵ ناوده‌وڵه‌تى سينه‌مايى هه‌ولێر ك بڕيار بوى منيش بام، وه‌لێ فيزاگه‌م ته‌مام نه‌وى و دويا كه‌فتم.

YesIraq
}