2017-09-23 12:04:00

شه‌فه‌ق نيوز/ رووژنامه‌يگ بريتانى ئاشكراێ ئه‌وه‌ كرد ك وڵاته‌يل يه‌كگرتگ بنيات گرانترين باڵوێزخانه‌ێ خوه‌ێ نه‌ێد له‌ له‌نده‌ن وه‌ بڕ ته‌كلفه‌ێ يه‌ك مليار دۆلار ك جوور قه‌ڵاێ سه‌ختيگيشه‌ له‌وه‌رده‌م هه‌ر په‌لاماره‌يليگ ئه‌گه‌ركرياێ.

 

رووژنامه‌ێ "ده‌يلى مه‌يل" له‌ راپۆرتيگى وت: بڕيار بويه‌ باڵه‌خانه‌ێ ئى باڵوێزخانه‌ له‌ كووتايى 2016 ته‌مام بوياتاد، وه‌لێ كاره‌يل بيناكردنى له‌ واده‌ێ دياريكرياێ خوه‌ێ ته‌مام نه‌وێ و دويا خريا ئه‌را وه‌هار 2017.

 

رووژنامه‌گه‌ باس له‌وه‌يش كرد ك خه‌نده‌قيگيش ئاوێ وه‌ دريژێ 30 مه‌تر له‌وه‌رده‌م باڵه‌خانه‌گه‌ێ دروس كرياگه‌ ئه‌را مقه‌يه‌تيكردنى له‌ په‌لاماره‌يل ئه‌گه‌ركرياێ ترۆريستى.

FaceIraq
}