2017-06-21 18:17:00

شه‌فه‌ق نيوز/ سعه‌د حه‌ريرى سه‌رۆك وه‌زيره‌يل لوبنانى راسه‌وخۆ له‌ ئاهه‌نگيگ ده‌مه‌وكردن ك له‌لايه‌ن ره‌وت ئه‌لموسته‌قبه‌ل ساز كريا، داواى هاوسه‌رگيرييگ كرد.

 

حريرى دويا ته‌مامكردن وته‌گه‌ێ له‌و ئاهه‌نگ ك كه‌ناڵه‌يل ميديابى لوبنانى راسه‌وخۆ بڵاوێ كردن، داوا له‌ دويه‌تيگ له‌ناو ئاماده‌بويه‌يل كرد له‌ هۆڵه‌گه‌ باێده‌ بان سه‌كووه‌گه‌و دويه‌ته‌گه‌يش وه‌ روێ خوه‌شيگه‌و هات بان سه‌كوو و دوياێ ئه‌وه‌يش داوايش له‌ يه‌كيگ له‌ ئه‌ندامه‌يل نويسينگه‌ێ جايه‌ڵه‌يل كرد له‌ ره‌وته‌گه‌ باێده‌ بان سه‌كوو و جايه‌ڵه‌گه‌يش هاته‌ لاى حه‌ريرى و دويه‌ته‌گه‌و پارچه‌ شعريگ خوه‌نسته‌وه‌و خوه‌شه‌ويسى خوه‌ێ ئه‌را دويه‌ته‌گه‌ ده‌رخست و مه‌ردميش ده‌سكردنه‌ چه‌پڵه‌ڕيزان ئه‌ڕايان.

 

جى باسه‌، دوياى ئه‌وه‌گ جايه‌ڵه‌گه‌ شعره‌گه‌ێ ته‌مام كرد، يه‌كسه‌ر حه‌ريرى ك سه‌رۆك ره‌وت ئه‌لموسته‌قبه‌ليشه‌ پرسيار له‌ دويه‌ته‌گه‌ كرد ئه‌را جواوهاوسه‌رگيرى وه‌ل جايه‌ڵه‌گه‌و ئه‌ويش يه‌كسه‌ر ره‌زامه‌نى هاوسه‌رگيرى وه‌ل ئه‌و جايه‌ڵ جوانه‌ ئه‌را حه‌ريرى ده‌رخست و جايه‌ڵه‌گيش هه‌ڵه‌قه‌ێ ده‌زويرانى له‌وه‌رچه‌و مه‌ردم له‌و ئاهه‌نگه‌ كرده‌ په‌نجه‌ێ.

FaceIraq
}