2018-03-26 18:57:00

شه‌فه‌ق نيوز/ دادگاى كۆرياى باشوور، حوكم زيندانى وه‌ل وسانن جيوه‌جيكردن له‌بان جايه‌ڵ جوانيگ دا، ئه‌ويش له‌ئاكام خوه‌ێ قڵه‌وكردن فريه‌يگ له‌ ماوه‌ى كه‌ميگ له‌وه‌ر ئه‌وه‌گ خوه‌ى له‌ خزمه‌ت سه‌ربازى له‌ سوپا قورتار بكا.

 

رووژنامه‌ى" تليگراف " بريتانى وت: ئه‌و جايه‌ڵ جوانه‌ ته‌مه‌نى 21 ساڵه‌و له‌ساڵ 2016 خوه‌نين ته‌مام كردگه‌و دوياى ئه‌وه‌يش نزيكه‌ى 30 كيلۆ گرام له‌كيش خوه‌ى زياى كرد له‌ماوه‌ى شه‌ش مانگ تا ره‌سيه‌ 113 كيلۆ گرام له‌ وه‌ختيگ ك چڕينه‌ى ئه‌را وشكانن پزيشكى وه‌رجه‌ ئه‌وه‌گ په‌يوه‌ندى وه‌ سوپاوه‌ بكا.

 

رووژنامه‌گه‌ وت: ئه‌و جايه‌ڵ جوان فه‌ن وفێڵداره‌ ناچار كريا بچووده‌ وه‌ر خزمه‌ت نيشتمانى وه‌شيوه‌يگ مه‌ده‌نى، وه‌لێ پۆليس كۆرياى باشوور په‌يجورى واز كردن و دادگايش حوكم په‌نج ساڵ زيندانى ئه‌راى بڕيه‌و وه‌ل وسانن جيوه‌جيكردنى، چوينكه‌ له‌ ياساى ئه‌و وڵاته‌ ئه‌وه‌سه‌ ك هه‌ركه‌سيگ هه‌وڵ واين له‌ خزمه‌ت سه‌ربازى بيه‌ێد ك ماوه‌گه‌ى 20 مانگه‌ تويش حوكم دادگايى ئه‌دێ.

FaceIraq
}