2017-01-03 09:06:00

شه‌فه‌ق نيوز/ دوياى وه‌سه‌رچگن فيشتر له‌ ساڵيگ له‌بان ژيرئاوكه‌فتن كه‌شتى "تايتانيك" به‌ڵگه‌ى تازه‌يگ تۆمارنه‌كرياگ  ده‌ركه‌فت ك هاته‌سه‌ تويش ئه‌و كه‌شتيه‌ وه‌رجه‌ ئه‌و كاره‌سات دڵته‌زنه‌ ك بويه‌ فيلميگ ناودار.

 

له‌ى باوه‌ته‌و، رووژنامه‌ى"ئه‌ندبندنت"بريتانى له‌ زووان سينان مالۆنى رووژنامه‌نويس ك فيشتر له‌ 30 ساڵ خوه‌نين له‌بان كاره‌ساته‌گه‌ ئه‌نجام داگه‌، وت: ئاگر له‌ هه‌يكه‌ڵ كه‌شتيه‌گه‌ كه‌فته‌سه‌و ئه‌را ماوه‌ى چه‌ن هه‌فته‌يگ، وه‌تايبه‌ت له‌ نزيك ئه‌و شوونه‌ ك كيشا قه‌ى كويه‌يگ يه‌خين له‌وه‌خت ئه‌و روێداگه‌و نزيكه‌ى 2200 نه‌فه‌ر له‌تى بوى و فيشتر له‌ 1500 له‌ليان گيان له‌ده‌سدان.

 

مالۆنى له‌ڕى ئه‌و ره‌سمه‌يله‌و ئى هه‌واڵه‌ بڵاو كرد ك گه‌ورا ئه‌ندازياره‌يل كاره‌با گرتنه‌سه‌ى وه‌رجه‌ ده‌رچگن كه‌شتيه‌گه‌و له‌تى شوونيگ سيه‌بوى دياره‌ وه‌ دريژى نزيكه‌ى 9 مه‌تر له‌ ديم راس نواى كه‌شتيه‌گه‌، ك دوياخريش شاره‌زايه‌يل جه‌خت له‌وه‌ كردن ئى شوون سيه‌ له‌قه‌ى هه‌يكه‌ڵ ئه‌و كه‌شتيه‌ هووكارى سزيان بويه‌ له‌ئاكام په‌يابوين پله‌ى گه‌رمى ئه‌و زوخاڵ خه‌زنكرياگه‌ ك له‌ناو كه‌شتيه‌گه‌ بويه‌ ك ئه‌را ماوه‌ى چه‌ن هه‌فته‌يگ وه‌رده‌وام بويه‌و هه‌رچه‌نى هه‌وڵ درياگه‌ زاڵ بوونه‌ بانى، وه‌لێ له‌يوا دياره‌ بيهووده‌ بويه‌.

 

جى باسه‌، كه‌شتى تايتانيگ له‌ 15ى ئبريل ساڵ 1912 ژيرئاو كه‌فت، وه‌ بوونه‌ى ده‌عامكردنه‌ وه‌ كويه‌يگ يه‌خيت له‌ ئوقيانوس ئه‌تڵه‌نتى.

 

 

FaceIraq
}