2013-06-12 11:56:37

 

جه‌بار ياوه‌ر ئه‌ميندار گشتی وزاره‌ت پێشمه‌رگه‌ له‌ به‌ياننامه‌يگ ك روينويسيگی ره‌سيه‌(شه‌فه‌ق نيوز)وت: كيشه‌ی ئه‌و سه‌ربازه‌يل كورده‌ له‌ وه‌خت رويداگه‌يل حه‌ويجه‌ تائيسه‌ چاره‌سه‌ر نه‌كرياگه‌و ئه‌و سه‌ربازه‌يله‌ له‌لايه‌ن خوه‌يانه‌و چه‌ن جاريگيش ئاگادار وزاره‌ت وه‌رگری و وه‌رپرسه‌يل سوپای عراقييش كردنه‌، وه‌لی ئيسه‌ سوپای عراقی گشت هه‌وه‌جه‌و مانگانه‌يانيش له‌ليان بڕينه‌.

ياوه‌ر هه‌ميش وت: وزاره‌ت وه‌رگری عراقی له‌ماوه‌ی رويداگه‌يل حه‌ويجه‌ بريار جيوازكردن ئی ليوای ١٦ دا ك زوورم سه‌ربازه‌يلی كوردن و قه‌وڵ ئه‌وه‌ دا سه‌ربازه‌يل ليوای ٩ له‌ تيم ٩ باريده‌ شوونه‌يليان، وه‌لی ئی كاره‌ ره‌ته‌و كردن و تائيسه‌يش ئی كيشه‌ هه‌ر جوور خوه‌ی مه‌ندگه‌و چاره‌سه‌ر نه‌كرياگه‌و ئيسه‌يش ئيمه‌ جوور وزاره‌ت پێشمه‌رگه‌ ئه‌گه‌ر وه‌زاره‌ت وه‌رگری عراقی چاره‌سه‌ر كيشه‌گه‌يان نه‌كا ئه‌وه‌ ناچاريم كيشه‌يان چاره‌سه‌ر بكه‌يم و هه‌وه‌جه‌يليان دابين بكه‌يم.

 

ج . أ

}