2019-12-07 18:55:46

شه‌فه‌ق نيوز/ شه‌پۆل فراوان وه‌فر وارين له‌ بڕيگ له‌ ناوچه‌يل شاخازى له‌ هه‌رێم كوردستان، بويه‌ هووكار داخستن چه‌ن ناوچه‌يگ له‌ مه‌رزه‌يل قه‌زاى پشده‌ر له‌ پاريزگاى هه‌ولێر، ك يه‌يش له‌يوا كرد هاتوچوو هاووتيه‌يل بووسيه‌ێد و ده‌روازه‌ى كێلێ له‌ مه‌رز وه‌ل ئيران دابخريه‌ێد.

 

له‌ى باوه‌ته‌و، وه‌رپرسيگ له‌ قه‌زاى پشده‌ر له‌ باسيگ ئه‌را شه‌فه‌ق نيوز وت: شه‌پۆل وه‌فر وارين بويه‌سه‌ گرفت ئاشكرايگ له‌وه‌رده‌م هاتوچوو مه‌ردم ناوچه‌گه‌و يه‌يش ده‌رخست ك تيمه‌يل شاره‌وانى ده‌سكردنه‌سه‌ پاكه‌وكردن رێ وبانه‌يل و وازكردنيان له‌وه‌رده‌م جموجويل مه‌ردم.

 

جى باسه‌، وه‌رپرسه‌گه‌ باس له‌وه‌يش كرد وه‌بوونه‌ى ئه‌وه‌گ لايه‌ن ئيرانى وه‌فر كه‌ڵه‌كه‌بوێ پاكه‌و نه‌كرگه‌ له‌بان ريه‌يل، ده‌روازه‌ى كێڵێ له‌ڕوێ گه‌شتياره‌يل و هامشوو سه‌ياره‌يل ناونى هه‌ردوگلا داخرياگه‌. 

}