2019-09-09 18:33:24

شه‌فه‌ق نيوز/ بڕياره‌ ده‌س بكريه‌ێده‌ تازه‌كردنه‌وه‌و خاسه‌وكردن ريه‌يل سه‌ره‌كى له‌ پاريزگاى دهۆك و هه‌ر وه‌و خاتريشه‌ وه‌ڕيه‌وبه‌ر رێ وبان له‌ پاريزگاگه‌ جه‌خت له‌وه‌ كرد و وت: ئه‌و ريه‌يله‌ ك هه‌وه‌جه‌ وه‌ خاسه‌وكردن و تازه‌كردنه‌وه‌ ديرن 37 ريگه‌س و 10 مليار دينار جوور بودجه‌ ئه‌رايان ته‌رخان كرياگه‌.

 

له‌و باوه‌ته‌و، ديوالى حه‌مى وه‌ڕيه‌وبه‌ر رێ وبان دهۆك له‌ لێدوانيگ رووژنامه‌گه‌رى وت: به‌ش فريه‌يگ له‌ رێ وبانه‌يل خاسه‌و نه‌كريانه‌ له‌ ماوه‌ى ساڵه‌يل گوزه‌يشت وه‌بوونه‌ى قه‌يران دارايى و باس له‌وه‌يش كرد بڕيگيشى وه‌ بوونه‌ى لافاوه‌يله‌و خراو بوينه‌و گشتيانيش هه‌وه‌جه‌ وه‌ خاسه‌وكردن ديرن.

 

ئاماژه‌ وه‌يه‌يش كرد، وه‌ بڕياريگ له‌ سه‌رۆكايه‌تى حكومه‌ت هه‌رێمه‌و گشت ئه‌و جاده‌و رێ و بانه‌يله‌ ك زه‌ردمه‌ن بوينه‌ خاسه‌و ئه‌كريه‌ن و وه‌ى نزيكه‌يليشه‌ ده‌س وه‌ خاسه‌وكردن و تازه‌كردنه‌وه‌يان ئه‌كريه‌ێد.

}