کورده‌یل فەیلی داوای یەکسانی لە دوو سەرۆکایەتی کەن

Category: هــــه‌واڵ كــوردى

Date: 2020-06-07T14:58:52+0000
کورده‌یل  فەیلی داوای یەکسانی لە دوو سەرۆکایەتی کەن

شەفەق نیوز/ پیكهاته‌ی کوردەیل فەیلی، ئمڕوو یەکشەممە، داوا لە بەرهەم ساڵح سەرۆک کۆمار و موستەفا کازمی سەرۆک وەزیرەیل و ئەندامەیل ئەنجومەن نوێنەران كردن، وپێشکەش كردن وەزارەتیگ دەوڵەتی تا یەکسانی بوود ئەرایان و وەشیوەیگ راستەقینە نوێنەرایەتیان بکەێد ، نه‌ جوور ئه‌و دویرەوخستنە ک حکومەتەیل وەرین کردیان.
بەیاننامەگه‌ی کوردە فەیلیەگان ک رەسیە ئاژانس شەفەق نیوز وت: لەوەختیگ مه‌ردم فەیلی چەوه‌ڕی یەکسانی لە بەشداری سیاسی كه‌ن، داواکاریمن پیمان حکومەت عراقی لە بڕیار ژمارە ٤٢٦ ئەرا ساڵ ٢٠١٠ ، ك ئەنجومەن نوێنەران عراقی په‌سه‌نی كردیه‌ و بڕیار ژمارە ١٨ ئەرا ساڵ ٢٠١١ ك هەماهەنگی یاسایی پاڵپشتیە وە ئەوەی دادگای باڵای تاوان عراقی لە روژ ٢٩/١١/٢٠١٠ بڕیاری داگە ك ئەوەیگ تویش کورد فەیلی هات، جوور تاوان جینۆساید وتاوانیگه‌ دژ وە مرۆڤایەتی وەگشت پەیمانەگان، وئەرا خەبات وقوربانیداین گەورایان، لە وەرگری لە خاک عراق، جوور چینیگ رەسەن، له‌ ناو چینە رەسەنەگان مه‌ردم عراق جیوه‌جی بكریه‌گ . ئیمە ئومیدواریمن وپێشبینی خەیر لە حکومەت موستەفا کازمی کەیمن، ك دویای ساڵەیل فرەیگ لە سیاسه‌ت دویرەوخستن ک حکومەتەیل وەرین وەکاری هاوردن وەیەکسانی، نه‌ وەخواست سیاسی ناعادیلانە ، وه‌ڵ فه‌یلیه‌گان مامڵه‌ بكه‌ید ‌.
وتیش؛ ئیمە پیشبینی خەیر کەیمن لە بەشداریکردن گشت پێکهاتە نیشتمانیه‌ عراقیەگان، لە نوێنەرایەتی سیاسی، ولە وەڕیەوبردن دامەزراوە حکومەتیەگان . ئیمە جیواز لە ئەو پێکهاتەگان داوا نێەکەێمن، بەڵکم داوا لە ئەندامەیل ئەنجومەن نوێنەران وسەرۆک حکومەت راسپێردراگ كه‌یمن، یەکسانی وعەداڵەت وه‌ كار بارن. بایەسە کورد فەیلی وەزارەت دەوڵەتییگ داشتوود تا كاره‌یلیان بپوورنێ ، و جوور باقی پێكهاته‌یل نوێنەرایه‌تی راستەقینەو چالاك داشتوون لە ئاست سیاسی و حکومی . قوربانیە گەوراگانیان وجینۆساید دەیان هەزار لە جوانه‌یلیان، بووده‌ بەرسڤ ئازاییان له‌وه‌راوه‌ر رژیمە شۆڤینیەگان وتوخمارەگه‌ریەگان کە یه‌ك لەشوین یەک حوکمڕانی عراق كردنه‌.
جی باسە، ئەنجومەن نوێنەره‌یل عراقی، دویەکە شەممە، رەزامەنی دا ك حکومەت فیدڕال وەزارەتیگ ئەرا کاندید پێكهاتە تورکمان دروسبكات

related