ڤايرۆس كۆرۆنا له‌ڕێ دادوه‌ر و پاريزه‌ره‌يل ده‌وام له‌ دادگاى هه‌ولێر وسان

Category: هــــه‌واڵ كــوردى

Date: 2020-06-11T10:35:31+0000

شه‌فه‌ق نيوز/ سه‌رچه‌وه‌يگ دادوه‌رى، ئاشكراى ئه‌وه‌ كرد ده‌وام فه‌رمى له‌ سه‌رۆكايه‌تى دادگاى تێهه‌ڵچوونه‌وه‌ى ناوچه‌ى هه‌ولێر پايته‌خت هه‌رێم كوردستان ئه‌را ماوه‌ى دو هه‌فته‌ وسياگه‌ له‌ئه‌نجام تويشبوين دو دادوه‌ر و شماره‌يگ له‌ پاريزه‌ره‌يل وه‌ ڤايرۆس كۆرۆنا.

له‌ى باوه‌ته‌و، سه‌رچه‌وه‌يگ ئه‌را ئاژانس شه‌فه‌ق نيوز وت: وه‌بووه‌ى تۆماركردن حاڵه‌ته‌يل تويشبوين وه‌ ڤايرۆس كۆرۆنا له‌ناونى دو دادوه‌ر و شماره‌يگ له‌ پاريزه‌ره‌يل بڕيار وسانن ده‌وام فه‌رمى درياگه‌ له‌ دادگاگه‌ ئه‌را ماوه‌ى 14 رووژ.

سه‌رچه‌وه‌گه‌ هه‌ميش وت: ده‌سڵاته‌يل بڕياريش دانه‌ بنايه‌ى دادگاگه‌يش ئه‌را ماوه‌ى 14 رووژ كه‌ره‌نتين بكريه‌ێد له‌وه‌ر ئه‌نجامداين هه‌ڵمه‌ت پاككردنه‌وه‌ ئه‌راى.