2019-02-10 07:53:00

شه‌فه‌ق نيوز/ ليژنه‌يل مه‌يدانى هاوبه‌ش ك له‌لايه‌ن هه‌ردوگ وه‌زاره‌ت پێشمه‌رگه‌و وه‌رگرييه‌و دامه‌زريانه‌، ده‌س كردنه‌سه‌ گه‌شته‌يل مه‌يدانى ئه‌را ناوچه‌يل كيشه‌ له‌سه‌ر له‌ چوار پاريزگاى كه‌ركوك و سه‌ڵاحه‌دين و نه‌ينه‌واو دياله‌.

 

ليوا قاره‌مان كه‌مال جيگر سه‌رۆك ئه‌ركان ئه‌را ئۆپه‌راسيۆنه‌يل له‌ وه‌زاره‌ت پێشمه‌رگه‌ له‌ باسيگ ته‌له‌فزيۆنى وت: ئه‌و ليژنه‌يل مه‌يدانيه‌ ك له‌لايه‌ن هه‌ردوگ وه‌زاره‌ت پێشمه‌رگه‌و وه‌رگرييه‌و دامه‌زريانه‌ ئه‌را پته‌وكردن هاريكارى و هه‌مامه‌نگى له‌ناونى هيزه‌يل پێشمه‌رگه‌و سوپا، ده‌س كردنه‌سه‌ سه‌ردان ناوچه‌يل كيشه‌ له‌سه‌ر له‌ هه‌رچوار پاريزگاى كه‌ركوك و سه‌ڵاحه‌دين و نه‌ينه‌واو دياله‌.

 

باس له‌وه‌يش كرد ئه‌و ليژنه‌يله‌ شيه‌وكردنيگ راپۆرته‌يل ئه‌كه‌ن ك پيشكه‌ش وه‌ ليژنه‌يل مه‌ردانى ئه‌كريه‌ێد تا بزانيم ئه‌و هه‌ماهه‌نگى هاوبه‌شه‌ چوێن ئه‌دێ، چوينكه‌ بڕيگ له‌ ناوچه‌يل هه‌وه‌جه‌ وه‌ هيزه‌يل زياتر ديرن و بڕيگيشى هه‌وه‌جه‌ وه‌ كه‌مه‌وكردن هيزه‌يل ديرن و گشت ئه‌يانه‌يش له‌بان به‌رزه‌وكردن راپۆرت ليژنه‌يل مه‌يدانى وسياگه‌.

YesIraq
}