پۆليس سلێمانى تومه‌تباريگ وه‌ تومه‌ت دزيكردن 10 مليۆن دينار و 8 سه‌ياره‌ ده‌سگير كرد

Category: هــــه‌واڵ كــوردى

Date: 2020-05-30T21:11:35+0000

شه‌فه‌ق نيوز/ وه‌ڕيه‌وبه‌رايه‌تى پۆليس سلێمانى له‌ هه‌رێم كوردستان، ئاشكراى ده‌سگيركردن تومه‌تباريگ كرد وه‌تومه‌ت شكانن شيشه‌ى 8 سه‌ياره‌ له‌وه‌ر دزين غه‌رازه‌يل ناو ئه‌و سه‌ياره‌يله‌و باس له‌وه‌يش كرد بڕ ئه‌و دزينه‌ ك ئه‌و تومه‌تباره‌ دزيه‌سه‌ى ره‌سيه‌سه‌ زياتر له‌ 10 مليۆن دينار.

له‌ى باوه‌ته‌و، به‌ش ره‌سانن و په‌يوه‌نديه‌يل له‌ وه‌ڕيه‌وبه‌رايه‌تيه‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: مه‌فره‌زه‌يل به‌ش پۆليس دژ تاوان له‌ سلێمانى تومه‌تباريگ ده‌سگير كردنه‌ ك شيشه‌ى 8 سه‌ياره‌ شكانگه‌ ئه‌را دزين غه‌رازه‌يل ناويان و زياتر له‌ 10 مليۆن ديناريش له‌ناو ئه‌و سه‌ياره‌يله‌ دزيه‌.

به‌ياننامه‌گه‌ يه‌يش ده‌رخست ئه‌و تومه‌تباره‌ وه‌ناو(أ ح ن) له‌ زاينده‌ى ساڵ 2005 و سابقه‌ ديرێد له‌ كاره‌يل دزيكردن و ئيسه‌يش وه‌ بڕياره‌ دادوه‌ر په‌يجوورى وه‌گووره‌ى مادده‌ى 444 له‌ ياساى سزايه‌يل عراقى ده‌سوه‌سه‌ره‌.