2019-05-06 09:59:56

شه‌فه‌ق نيوز/ مه‌حما خه‌ليل قايمقام قه‌زاى شه‌نگاڵ، ئاشكراى ئه‌وه‌ كرد پارت كارگه‌ره‌يل كوردستان وه‌ڕيه‌وبه‌ره‌يل سه‌ر وه‌ خوه‌ى له‌ قه‌زاى شه‌نگاڵ دامه‌زرانگه‌و ئاماژه‌ وه‌يه‌يش كرد ك كاره‌يليان مايه‌ى رخه‌وبردن ئاواره‌يل و نواگيريه‌ له‌ليان ئه‌را گله‌وخواردنيان وه‌ره‌و ناوچه‌يليان.

 

خه‌ليل له‌ به‌ياننامه‌يگ داوا له‌ حكومه‌ت كرد گرنگى وه‌ى مه‌سه‌له‌ بيه‌ێد و ئاسايش له‌و ناوچه‌يله‌ دابين بكاو گرنگى بيه‌ێده‌ ئاواره‌يل ئێزيدى وه‌تايبه‌ت ئه‌وانه‌گ تويش گه‌وراترين په‌لاماره‌يل هاتن له‌ مێژوو.

 

جى باسه‌، خه‌ليل هه‌ميش وت: بارودوخ له‌ شه‌نگاڵ مايه‌ى دڵخوه‌شى دووس و دوشمن نيه‌ له‌ڕێ كاره‌يل سته‌مكارى نائنسانى ك له‌لايه‌ن په‌كه‌كه‌ ئه‌نجام ئه‌دريه‌ێد و ده‌سڵات گرتنه‌سه‌ بان ئى ناوچه‌يله‌ وه‌تايبه‌ت شه‌نگاڵ و رێگرى له‌ ئاواره‌يل ئه‌كه‌ن گله‌و بخوه‌ن ئه‌را شوون و ماواى خوه‌يان له‌ ناوچه‌گه‌.

YesIraq
}