2019-07-28 10:05:41

شه‌فه‌ق نيوز/ ده‌سه‌ى سه‌رۆكايه‌تى په‌رله‌مان كوردستان له‌ به‌ياننامه‌يگى پيرووزبايى له‌ مير حازم ته‌حسين به‌گ كرد وه‌ بوونه‌ى هه‌ڵوژاننى وه‌ مير ئێزيديه‌يل له‌ كوردستان و جه‌هان.

 

يه‌يش ده‌ق به‌ياننامه‌گه‌س:

 

ريزدار مير حازم ته‌حسين به‌گ

وه‌بوونه‌ى هه‌ڵوژانند وه‌ مير ئێزيديه‌يل له‌ كوردستان و جه‌هان، گه‌رمترين پيرووزبايى پيشكه‌ش وه‌پێد ئه‌كه‌يم، و كورده‌يل ئێزيدى يه‌كيگه‌ له‌ پيكهاته‌يل ره‌سه‌ن له‌ى وڵاته‌و په‌رله‌مان كوردستان كار له‌بان پرووژه‌ياسايگ تايبه‌ت ئه‌كا ئه‌را ناساندن ئه‌و تاوانه‌يله‌ ك ده‌رهه‌ق وه‌ رووڵه‌يل تايفه‌ى ئێزيدى ئه‌نجام دريا وه‌ ئه‌وه‌گ كرده‌وه‌يليگ له‌ناوبردن وه‌جه‌مه‌و وه‌گورجترين وه‌ختيگ ده‌رئه‌كريه‌ێد، و ئيمه‌يش وه‌ل حكومه‌ت عراقى و ئه‌نجومه‌ن نوێنه‌ره‌يل عراقى كار ئه‌كه‌يم ئه‌را ئه‌وه‌گ عراق بدێده‌ ئه‌نداميگ له‌ دادگاى تاوانه‌يل ناوده‌وڵه‌تى تا بتويه‌نێد ئى دوسيه‌ بخاده‌ڕوێ ئه‌را دادگاى ناوده‌وڵه‌تى و دگان وه‌پيا بنيه‌ێد و سزاى تاوانباره‌يل بيه‌ێد ئه‌را ئه‌وه‌گ وه‌ سزاى دادگه‌رانه‌ى خوه‌يان بڕه‌سن و قه‌ره‌بوو كه‌س وكار ئه‌و ئێزيديه‌يله‌ بكريه‌ێد ك تويش ئى تاوانه‌يله‌ هاتنه‌.

 

جاريگتر پيرووزبايى له‌ ئيوه‌و گشت ئێزيديه‌يل له‌ كوردستان و جه‌هان ئه‌كه‌يم وه‌ى بوونه‌وه‌.

 

سه‌رۆكايه‌تى په‌رله‌مان كوردستان

}