2019-07-17 19:48:00

شه‌فه‌ق نيوز/ په‌رله‌مان كوردستان، ئه‌و ته‌قه‌كردنه‌ له‌ ئاشخانه‌يگ له‌ هه‌ولێر پايته‌خت هه‌رێم روێدا ئدانه‌ كرد ك بويه‌ هووكار كوشيان دبلۆماتكاريگ توركى.

 

له‌ى باوه‌ته‌و سه‌رۆكايه‌تى په‌رله‌مان كوردستان له‌ به‌ياننامه‌يگ ئه‌را شه‌فه‌ق نيوز وت: وه‌ تونى ئدانه‌ى كوشيان دبلۆماتكاره‌ توركيه‌گه‌ ئه‌كه‌يم له‌ ئه‌نجام ته‌قه‌كردن له‌ ئاشخانه‌يگ له‌ هه‌ولێر و پرسه‌و سه‌ره‌خوه‌شى خوه‌يشى ئاراسته‌ى كه‌س وكار ئه‌و قوربانيه‌و حكومه‌ت توركى كرد.

 

په‌رله‌مان كوردستان ئيچنه‌ روێداگيگ وه‌ هه‌ڕه‌شه‌ ئه‌را بان ئاسايش هه‌رێم كوردستان و هه‌وڵيگ ئه‌را شيوانن ئارامى و ئه‌مان له‌ هه‌رێم تاريف كرد و داوايش له‌ لايه‌نه‌يل ئه‌منى كرد وه‌ گورجترين وه‌خت ئه‌نجامده‌ر ئه‌و تاوانه‌ په‌يا بكه‌ن و وه‌گووره‌ى ياسا سزا بدريه‌ێد.

}