2019-04-13 17:48:00

شه‌فه‌ق نيوز/ نێچيروان بارزانى سه‌رۆك وه‌زيره‌يل هه‌رێم كوردستان, دانيشتنيگ وه‌ل ئان هيدالكۆ سه‌رۆك شاره‌وانى پاريس و شانده‌ ياوه‌ره‌گه‌ێ ساز كرد.

 

هيدالكۆ جوور ئه‌وه‌گ له‌ به‌ياننامه‌ى حكومه‌ت هه‌رێم هاتگه‌, جه‌خت له‌ مه‌يل پاريس كرد ئه‌را سازكردن په‌يوه‌نديه‌يل خاسيگ وه‌ل پاريزگاى هه‌ولێر و باقى پاريزگايه‌يل تر هه‌رێم كوردستان و هاوكارى وه‌ل هه‌رێم كوردستان له‌ بواره‌يل وزه‌ى پاك و رووشنهويرى و جيوازكردن و په‌يوه‌نديه‌يل و بته‌وكردن په‌يوه‌نديه‌يل له‌گشت بواره‌يل و له‌ هه‌مان وه‌خت سوپاسگوزارى له‌ حكومه‌ت و ملله‌ت كوردستانيش كرد ئه‌را پيشوازييان له‌ شماره‌ێ فريه‌يگ له‌ ئاواره‌يل و په‌نابه‌ره‌يل و له‌ وه‌رگرى پێشمه‌رگه‌ له‌ ئاسايش گشت جه‌هان و ئوميد پيشكه‌فتن زياتريش كرد ئه‌را هه‌رێم كوردستان.

 

لاى خوه‌ييشه‌و, بارزانى سوپاسگوزارى له‌ فره‌نسا و كۆمه‌ڵگاى ناوده‌وڵه‌تى كرد له‌ مه‌سه‌له‌ى ده‌سميه‌تداين هه‌رێم كوردستان له‌ جه‌نگ داعش و وت: ئه‌گه‌ر ئه‌و ده‌سميه‌ته‌يله‌ نه‌وياتاد سه‌كه‌فتن وه‌ده‌س ناتياد.

 

بارزانى باس له‌وه‌يش كرد دوياى سه‌ركه‌فتن له‌بان تيرۆر و خاسه‌وبوين په‌يوه‌نديه‌يل وه‌ل به‌غداو خاسه‌وبوين بارودوخ گوزران و ئابوورى هه‌رێم كوردستان, وه‌خت ئه‌وه‌ هاتگه‌ كار له‌بان باوه‌ته‌يل جوور وزه‌ى پاك و مقه‌يه‌تيكردن ژينگه‌و پته‌وكردن رووشنهويرى وه‌يه‌كه‌وژيان و فراوانكردنى بكريه‌ێد.

YesIraq