2019-04-22 17:05:00

شه‌فه‌ق نيوز/ نرخ به‌نزين له‌ پاريزگاى سلێمانى به‌رزه‌وبوين وه‌خوه‌يه‌و ديه‌ ئه‌را ماوه‌ى سێ رووژه‌ وه‌ بڕ 25 دينار عراقى ئه‌را هه‌ر جووريگى.

 

له‌و باوه‌ته‌و، هه‌ڤاڵ ئه‌بوبه‌كر پاريزگار سلێمانى له‌ وته‌يگى وه‌ بوونه‌ى جه‌ژن رووژنامه‌گه‌رى كوردستانى له‌ هۆڵ مووزه‌خانه‌ى نيشتمانى وت: نرخ به‌رزه‌وبوين به‌نزين په‌يوه‌سه‌ وه‌ به‌رزه‌وبوين نرخه‌يل له‌ بۆرسه‌يل جه‌هانى.

 

ئه‌بوبه‌كر وت: به‌نزين وه‌و راده‌ى فريه‌يشه‌ به‌رزه‌و نه‌ويه‌ ك له‌ بۆرسه‌يل جه‌هانى هه‌س، باس له‌وه‌يش كرد ك هه‌وڵ ئه‌يه‌ن وه‌ل بازرگانه‌يل حه‌ديگ ئه‌را به‌رزه‌وبوين نرخ دابنه‌ن و يه‌يش خسته‌ ڕوێ ك وه‌رده‌وام وه‌ل حكومه‌ت ناوه‌ندى هه‌وڵ چاره‌سه‌ر ئى كيشه‌ ئه‌يه‌ن.

YesIraq