2019-06-30 19:37:13

شه‌فه‌ق نيوز/ سوو دوشه‌ممه‌ پارت ديموكرات كوردستان و يه‌كێتى نيشتمانى كوردستان دانيشتنيگ له‌ شار سلێمانى ساز ئه‌كه‌ن، له‌ چوارچێوه‌ى ئاڵشتكاريه‌يل ك هه‌ردوگ حزب له‌ شانده‌يل دانيشتنكاريان ئه‌نجامى دانه‌.

 

له‌ هه‌واڵيگ ك له‌بان ماڵپه‌ڕ فه‌رمى پارت ديموكرات كوردستان بڵاو كرياو شه‌فه‌ق نيوز ئاگادارى بوێ، ئه‌وه‌ ده‌ركه‌فت ك ئه‌و دانيشتنه‌ له‌ له‌ سه‌عات يانزه‌ى شه‌وه‌كى سوو دوشه‌ممه‌ ئه‌نجام ئه‌گرێد له‌ باره‌گاى مه‌كته‌ب سياسى يه‌كێتى نيشتمانى كوردستان له‌ سلێمانى.

 

له‌ هه‌واڵه‌گه‌ هاتگه‌ هه‌ردوگلا ئاڵشتكارى له‌ ئه‌ندامه‌يل دانيشتنكاريان كردنه‌ و باس له‌وه‌يش كردگه‌ شاند پارتى پيك ئه‌يه‌ێد له‌ مه‌حمود محه‌مه‌د ئه‌ندام مه‌كه‌تب سياسى و سه‌رۆك شاند و هه‌ريه‌ك له‌ دڵشاد شه‌هاب و فرسه‌ت سۆفى و ئوميد سه‌باح ئه‌ندامه‌يل ليژنه‌ له‌ مه‌كته‌ب سياسى و شاند يه‌كێتى نيشتمانى كوردستان وه‌ سه‌رۆكايه‌ى حاكم قادر ئه‌دێ ئه‌ندام مه‌كته‌ب سياسى يه‌كێتى.

}