2019-01-20 17:34:00

شه‌فه‌ق نيوز/ وه‌رپرس لق پانزه‌ى پارت ديموكرات كوردستان له‌ خانه‌قين، ئاشكراى ئه‌وه‌ كرد هيزه‌يل ئه‌مريكى سه‌ردان خانه‌قين كردگه‌و نياز ئه‌وه‌ ديرێد باره‌گا له‌ورا واز بكه‌ن و يه‌يش مه‌ترسيه‌يل فريه‌يگ له‌لاى حه‌شد شه‌عبى دروس كردگه‌و يه‌يش ده‌رخست ك گله‌وخواردن هيزه‌يل ئه‌مريكى ئارامى ئه‌را ناوچه‌گه‌ ئه‌يه‌رێده‌و.

 

شێخ جه‌عفه‌ر شێخ مسته‌فا له‌ لێدوانيگ رووژنامه‌گه‌رى ئاماژه‌ وه‌ ئه‌وه‌ كرد ك دوياى سه‌ردان هيزه‌يل ئه‌مريكى ئه‌را شوونه‌يل جارانيان له‌ خانه‌قين هيزه‌يل سرايا ئه‌لسه‌لام و هيزه‌يل خه‌زعه‌لى(عه‌سايب ئه‌هل حه‌ق) له‌ جه‌له‌ولا و ده‌ورگرد خانه‌قين خوه‌يان كيشانه‌سه‌و له‌وه‌ر مه‌ترسى له‌ مه‌سه‌له‌گه‌.

 

شێخ مسته‌فا وت: هيزه‌يل ئه‌مريكى له‌ خانه‌قين سه‌ردان باره‌گايه‌يل جارانيان كردنه‌ له‌ وه‌رانوه‌ر دادگاى خانه‌قين و شوون سه‌ركردايه‌تى هيزه‌يل گه‌رميان و سه‌ربازگه‌ى كوبرا و له‌ مه‌رزه‌يل نه‌فتخانه‌ له‌ سه‌ربازگه‌ى باخچه‌ و وتنه‌سه‌ مه‌ردم ناوچه‌گه‌ ك ئه‌يه‌نه‌و ئه‌را ناوچه‌گه‌ ئه‌را ناو باره‌گايه‌يل ئه‌وساى خوه‌يان.

YesIraq
}