2019-12-10 08:38:11

شه‌فه‌ق نيوز/ شێخ جه‌عفه‌ر شێخ مسته‌فا وه‌رپرس لق په‌نج پارت ديموكرات كوردستان له‌ خانه‌قين، وت: وه‌گووره‌ى بڕيار تازه‌يگ، جه‌رد مه‌ردم 9 ئاوايى له‌ مه‌ردمه‌ كورده‌گه‌ێ ئه‌كريه‌ێد له‌ ده‌ورگرد شار خانه‌قين له‌ پاريزگاى دياله‌ و جوور كووچكه‌ر شماريه‌ن ئه‌را ئه‌وه‌گ ده‌ربكريه‌ن له‌ ئاوايه‌يليان و عه‌ره‌ب بارنه‌ شوونيان، ك يه‌يش وه‌ جوور تازه‌يگ له‌ ته‌عريبكردن تاريف كرد.

 

شێخ مسته‌فا له‌ لێدوانه‌يلى ئه‌را ماڵپه‌ڕ پارتى ك شه‌فه‌ق نيوز ئاگادارى بوى وت: پاريزگاى دياله‌ بڕياريگ ده‌ركردگه‌و ناوه‌ڕووكى ئه‌وه‌سه‌ ده‌زگاى كووچ و كووچبه‌ره‌يل ناو مه‌ردم ئاوايه‌يل ده‌ورگرد خانه‌قين تۆمار بكا ك كوردن له‌وه‌ر خاتر ده‌ركردنيان و عه‌ره‌ب له‌شوونيان نيشه‌جێ بكا.

 

شێخ مسته‌فا هه‌ميش وت: ئه‌و ئاوايه‌يله‌ پيكهاتنه‌ له‌ ئاوايى مه‌ردان و شيرگ و حسێن مه‌مه‌و محه‌مه‌د شيربه‌گ و عه‌زيز و ره‌مه‌زان و شه‌فيق و جه‌ميل به‌گ و ئه‌حمه‌د، له‌وه‌ر ئه‌وه‌گ بزانن شماره‌يان چه‌نيگه‌ تا وه‌ كووچكه‌ر بشماريه‌ن و ده‌ربكريه‌ن له‌ ئاوايه‌يليان، ك يه‌يش جووريگ تره‌ له‌ ته‌عريب.

FaceIraq
}