2019-05-20 09:24:22

شه‌فه‌ق نيوز/ يه‌كێتى نيشتمانى كوردستان له‌ پاريزگاى كه‌ركوك، داشتن هه‌ر شه‌راكه‌تيگ وه‌ل راكان سه‌عيد جبورى پاريزگار كه‌ركوك وه‌ وه‌كاله‌ت خسته‌ دروو، له‌ هه‌مان وه‌خت ئاشكراى پشتبه‌سانن وه‌ سه‌رشمارى ساڵ 1957 يش كرد له‌ دياريكردن مه‌ردم ره‌سه‌ن ناحيه‌ى سه‌ركه‌ران و پشتگيريكردن جبورييش ئه‌را مه‌ندنه‌وه‌ى له‌ پۆست ئيسه‌ى تاوه‌خت ئه‌نجامداين هه‌ڵوژاردنه‌يل ناوچه‌يى له‌ پاريزگاگه‌ خسته‌ دروو.

 

يه‌كێتى له‌ به‌ياننامه‌يگ وت: يه‌كێتى نيشتمانى كوردستان هويچ جووره‌ شه‌راكه‌تيگ وه‌ل راكان سه‌عيد جبورى و حكومه‌ت ناوچه‌يى له‌ كه‌ركوك نه‌يرێد.

 

له‌باره‌ى ئاوايه‌يل ناحيه‌ى ناوبرياگيش وت: ئه‌و عه‌ره‌به‌يله‌ ك هاتنه‌سه‌ ئه‌و ناوچه‌ مه‌ردم ره‌سه‌نن و ئيمه‌يش له‌ يه‌كێتى نيشتمانى كوردستان پشت وه‌ سه‌رشمارى ساڵ 1958 ئه‌وه‌سيم ئه‌را ئه‌وه‌گ بزانيم كيين ئه‌وانه‌گ مه‌ردم ره‌سه‌نن.

 

به‌ياننامه‌گه‌ هه‌ميش وت: ئه‌وانه‌گ راكان جبورى ئه‌ناسيده‌يان ك گوايا مه‌ردم ره‌سه‌نن له‌ عه‌ره‌به‌يل هاتگ و ئه‌وه‌گ زانست له‌ جوگرافيا ديرێد ئاگاداره‌ له‌لێ ك مه‌رزه‌يل نيشته‌جيبوين هووز شه‌مه‌ر ئه‌كه‌فێده‌ كاملا.

YesIraq
}