2019-09-29 19:23:14

شه‌فه‌ق نيوز/ كۆنسوڵخانه‌ى يابانى له‌ هه‌ولێر، بڕياردا له‌ هه‌ولێره‌و ڤيزا بيه‌ێده‌ هاوڵاتيه‌يل هه‌رێم كوردستان له‌وه‌ر گه‌شتكردن ئه‌را يابان، ئه‌ويش له‌ڕێ دو نويسينگه‌ى پشت وه‌پى به‌سرياێ له‌ هه‌ولێر.

 

له‌و باوه‌تيشه‌و، وه‌رپرس ده‌زگاى په‌يوه‌نديه‌يل خارجى له‌ حكومه‌ت هه‌رێم كوردستان، كتاويگ ئاراسته‌ى سه‌رۆكايه‌تى وه‌زيره‌يل هه‌رێم و سه‌رۆكايه‌تى ديوان ئه‌نجومه‌ن وه‌زيره‌يل كرد و له‌تى وه‌گووره‌ى كتاو كونسوڵخانه‌گه‌ى يابان جه‌خت له‌وه‌ كرياگه‌ له‌ هه‌ولێره‌و ڤيزاى كورت ماوه‌ وه‌ هاووڵاتيه‌يل هه‌رێم كوردستان ئه‌دريه‌ێد له‌ 20 ئاب 2019 وه‌ دوياوه‌.

 

له‌ كتاوه‌گه‌ هاتگه‌: ئه‌و ڤيزا له‌لايه‌ن دو نويسينگه‌ى پشت وه‌پى به‌سرياێ و سه‌ر وه‌ كونسوڵخانه‌گه‌وه‌ ئه‌دريه‌ێد و هاووڵاتيه‌يليش ئه‌تويه‌نن سه‌ردان ئه‌و هه‌ردوگ نويسينگه‌ بكه‌ن و مه‌سه‌له‌گه‌يش ها له‌ورا ك بڕياره‌گه‌ ته‌نيا هاووڵاتيه‌يل هه‌رێم كوردستان ئه‌گرێده‌و، چوينكه‌ باقى هاووڵاتيه‌يل تر پاريزگايه‌يل عراق ئه‌تويه‌نن ڤيزا له‌ له‌ باڵيۆزخانه‌ى يابانى له‌ به‌غدا وه‌ربگرن.

FaceIraq
}