2019-05-06 20:06:10

شه‌فه‌ق نيوز/ شماره‌يگ فريه‌يگ له‌ خوه‌ينيشانده‌ره‌يل له‌ شار ناسريه‌، ناوه‌ند پاريزگاى زيقار، خوه‌نيشانداينيگ ئه‌را ئيدانه‌كردن لێدوانه‌يل ئى دوياخر هه‌يفا ئه‌لئه‌مين ئه‌ندام ئه‌نجومه‌ن نوێنه‌ره‌يل له‌بان هاوپه‌يمانى سائيرون ئه‌نجام دان.

 

خوه‌ينيشانده‌ره‌يل له‌و خوه‌ينيشانداينه‌ له‌ زيقار داواى موحاسبه‌كردن هه‌يفا ئه‌لئه‌مين كرد له‌بان لێدوانه‌يل ئى دوياخريه‌ ك شه‌پۆليگ له‌ تويڕه‌يى له‌بان ماڵپه‌ڕه‌يل په‌يوه‌ندى كۆمه‌ڵايه‌تى دروسكرد دوياى ئه‌وه‌گ مه‌ردم باشوور عراق وه‌ نه‌فام تاريف كرد.

 

جى باسه‌، يه‌يش له‌وه‌ختيگ ئه‌لئه‌مين ئاماژه‌ وه‌ ئه‌وه‌ كرد ك لێدوانه‌يلى وه‌ خراو له‌يه‌كه‌و درياگه‌ هه‌ناى ك قسه‌ كردگه‌ وه‌رجه‌ دو رووژ له‌ گۆنگره‌يگ له‌ به‌يروت پايته‌خت و وتگه‌ لوبنان ژيارى و پيشكه‌فتگه‌، وه‌لێ باشوور عراق نه‌فامن.


YesIraq
}