2019-09-26 19:00:46

شه‌فه‌ق نيوز/ وه‌زير ناوخوه‌يى له‌ حكومه‌ت هه‌رێم كوردستان, وه‌ل شانديگ له‌ هاوپه‌يمان ناوده‌وڵه‌تى ئه‌را روێ وه‌ڕوێ بوينه‌وه‌ى داعش, بارودوخ ئه‌منى له‌ ناوچه‌يل كيشه‌ له‌سه‌ر له‌ناونى هه‌ولێر و به‌غدا تاووتوێ كرد.

 

وه‌زاره‌ت ناوخوه‌يى له‌ به‌ياننامه‌يگ وت: جه‌نراڵ جيرالد ستريكلاند جيگر سه‌ركرده‌ى فه‌رمانده‌يى هاوبه‌ش هيزه‌يل هاوپه‌يمان له‌ عراق و سوريا، هه‌ماهه‌نگى سه‌ربازى و ئه‌منى له‌ناونى هيزه‌يل پێشمه‌رگه‌و هيزه‌يل هاوپه‌يمان و سوپاى عراقى ئه‌را جيوه‌جيكردن سه‌قامگيرى وه‌ خواست و گرنگ تاريف كردگه‌و ئاماده‌يى هيزه‌يل هاوپه‌يمانيش ده‌رخستگه‌ ئه‌را وه‌رده‌وامى هاريكارى وه‌ل پێششمه‌رگه‌ له‌وه‌ر له‌ناوبردن مه‌ترسيه‌يل داعش له‌و ناوچه‌يله‌.

 

جى باسه‌، به‌ياننامه‌گه‌ى ناوخوه‌يى ئاماژه‌ وه‌يه‌يش كرد تيرۆريسته‌يل ريكخرياگ داعش سوود له‌ بۆشايى ئه‌منى وه‌رئه‌گرن دوياى 16ى ئوكتۆبه‌ر 2017 له‌ ناوچه‌يل كيشه‌ له‌سه‌ر و هاتن سوپاى عراق و حه‌شد شه‌عبى.

FaceIraq
}