وه‌زير خارجيه‌ى توركيا پيرووزبايى له‌ مير تازه‌ى ئێزيديه‌يل ئه‌كا

Category: هــــه‌واڵ كــوردى

Date: 2019-07-27T20:56:37+0000

شه‌فه‌ق نيوز/ مه‌ولود چاوش ئۆغلۆ وه‌زير خارجيه‌ى توركيا، پيرووزبايى له‌ حازم ته‌حسين به‌گ كرد ك ئمڕوو هه‌ڵوژريا وه‌ مير تازه‌ ئه‌را ئێزيديه‌يل.

 

ئۆغلۆ له‌ ماڵپه‌ڕ كۆمه‌ڵايه‌تى تويته‌ر وت: پيرووزبايى له‌ حازم ته‌حسين به‌گ ئه‌كه‌م وه‌ هه‌ڵوژاردنى جوور مير تازه‌ ئه‌را تايفه‌ى ئێزيدى له‌ عراق و جه‌هان.

 

جى باسه‌، ئۆغلۆ جه‌خت له‌وه‌يش كرد توركيا وه‌رده‌وام ئه‌دێ له‌ وسيان شان وه‌شان ئێزيديه‌يل دژ گشت هه‌ڕه‌شه‌يل وه‌تايبه‌ت دژ كرده‌وه‌يل تيرۆريستى ريكخرياگ پارت كاركه‌ره‌يل كوردستان.