هەفت مردن وە کۆڕۆنا لە دوو پارێزگای هەرێم کوردستان

Category: هــــه‌واڵ كــوردى

Date: 2020-07-03T13:52:24+0000

شەفەق نیوز/ سەرچەوەیلیگ پزشکی، ئمڕوو جومعە، خەوەردان لە ٧ حاڵەت مردن لە پارێزگایل سلێمانی و کەرکوک و واسیت.
سەرچەوەگان ئەرا ئاژانس شەفەق نیوز وتن؛ پەنج تووشهاتگ ڤایڕۆسەگە چوار پیاو و ژنیگ، لە خەسەخانەیل سلیمانی دویای خراوبوین رەوش تەندروسییان ئمڕوو مردن.
وەزارەت تەندروسی لە حکومەت هەرێم کوردستان، رووژ پەنجشەممە، راگەیان لە تۆمارکردن ١٠ مردن و ٢٥٠ تووشهاتگ نوو وە ڤایڕۆس کۆرۆنا لە ماوەی ٢٤ ساعەت گوزەیشتە.
لە کەرکوک، سەرچەوەگان وتن ک تووشهاتگیگ لەتەمەن ٧١ ساڵ ئمڕوو مرد، لە وەختیگ ک دکتۆر زەید موسەوی وەڕیەوبەر ئۆپڕاسیۆن تەندروسی واسیت هەمیش مرد.
عراق، دویەکە پەنجشەممە، ١٠٠ مردن تۆمارکرد لە گشت وڵاتەگە، وەگورەی راگەیانن وەزارەت تەندروسی و ژینگە لە ئامار رووژانەگەی ئه‌را په‌تاگه‌.