2018-11-20 17:13:00

شه‌فه‌ق نيوز/ سوو چوارشه‌ممه‌، چالاكيه‌يل فيستيڤاڵ مۆسيقاو گورانى جوراوجوور له‌ شار هه‌ولێر ده‌س وه‌پى ئه‌كا له‌ژير ناونيشان" فيستيڤاڵ كوردستان ئه‌را مۆسيقاو گورانى "، ك له‌تى هونه‌رمه‌نده‌يل و تيمه‌يل هونه‌رى له‌ هه‌رچوار پارچه‌ى كوردستانه‌و به‌شدارى ئه‌كه‌ن.

 

له‌ى باوه‌ته‌و، وه‌ڕيه‌وبه‌رايه‌تى گشتى رووشنهويرى و هونه‌ر له‌ هه‌ولێر له‌ به‌ياننامه‌يگ وت: سوو چوارشه‌ممه‌ وه‌ڕيه‌وبه‌رايه‌تيه‌گه‌ فيستيڤاڵ كوردستان ئه‌را مۆسيقاو گورانى رێك ئه‌خا له‌ هۆڵ  رووشنهويرى له‌ هه‌ولێر.

 

به‌ياننامه‌گه‌ هه‌ميش وت: ئى فيستيڤاڵ هونه‌ريه‌ له‌وه‌ر ديدار ناونى تيمه‌يل هونه‌رى و مۆسيقيه‌ وه‌ل ده‌رخستن ئاست هونه‌رى كوردستان وه‌خاتر پيشكه‌شكردن خزمه‌ت فيشتر ئه‌را جموجويل هونه‌رى و رووشنهويرى.

YesIraq