2019-12-05 18:16:37

شه‌فه‌ق نيوز/ سه‌فين دزه‌يى وه‌رپرس په‌يوه‌نديه‌يل خارجى له‌ حكومه‌ت هه‌رێم كوردستان, پيشوازى كرد له‌ ئيشتفان ئيميرى كونسوڵ گشتى تازه‌ى هنگارى له‌ هه‌رێم كوردستان.

 

هه‌ردوگلا له‌و ديدار باس له‌ دويايين روێداگه‌يل و بارودوخ ئيسه‌ى سياسى و ئه‌منى و ئنسانى كردن و ئوميد خوه‌يان ده‌رخستن وه‌ وه‌رده‌وامى له‌ مه‌سه‌له‌ى په‌ره‌داين وه‌ په‌يوه‌نديه‌يل ناونى هه‌رێم و هنگاريا وه‌شيوه‌يگ خاستر وه‌و جووره‌گ خزمه‌ت وه‌ به‌رژه‌وه‌ندى هه‌روگلا بكا.

 

دزه‌يى له‌و ديدار رووشنايى خسته‌ بان په‌يوه‌نديه‌يل ناونى هه‌رێم كوردستان و هنگاريتو خوه‌شاڵى خوه‌ى ده‌رخست وه‌ ئاست نوێنه‌رايه‌تى دبلۆماسى و پاڵپشتى سه‌ربازى و ئنسانى ك له‌لايه‌ن هه‌نگارياوه‌ پيشكه‌ش وه‌ هيزه‌يل پێشمه‌رگه‌ى كوردستان كرياگه‌ له‌ ماوه‌ى گوزه‌يشت، له‌وانه‌يش له‌وه‌خت جه‌ند دژ ريكخرياگ تيرۆريستى داعش.

 

له‌ ته‌وه‌ريگ تر باسه‌، ئيشتفان ئيميرى باس له‌ كار و چالاكيه‌يل كونسوڵخانه‌ى گشتى وڵاته‌گه‌ى كرد له‌ هه‌رێم كوردستان و مه‌يل وڵاته‌گه‌ى ئه‌را په‌ره‌داين و بته‌وكردن په‌يوه‌نديه‌يل دولايه‌نه‌ ده‌رخست له‌ بواره‌يل جياجياى وه‌به‌رهاوردن وئابوورى و كشتوكاڵى.

FaceIraq
}