نامه‌ی 10 خاڵی حكومه‌ت هه‌رێم له‌ باوه‌ت بڕین مووچه‌

Category: هــــه‌واڵ كــوردى

Date: 2020-04-29T20:20:09+0000
نامه‌ی 10 خاڵی حكومه‌ت هه‌رێم  له‌ باوه‌ت بڕین مووچه‌

شەفەق نیوز/ دیوان ئەنجومەن وەزیرەیل حکومەت کوردستان، ئمڕوو چوارشەممە، نامەیگ لە ١٠ خاڵ كل کرد ئەرا ئەمیندارەیەتی گشتی ئەنجومەن وەزیران، لە حكومەت ئیتیحادی، دەسپیچگەیل یاسایی وەخوەی هەڵگرد، ک ری وە بڕین مووچەی فەرمانبەرەیل هەرێم نێەد، وە گورەی ماف ئەو بەشەیلەگەی عیراق.
ئی نامە دویای دویاترین بڕیار ئەمیندارەیەتی گشتی ئەنجومەن وەزیران وە بڕین مووچەی فەرمانبەرەیل هەرێم هات، ک هەرێم کوردستان ئی بڕیارە وەپێشل کردن یاسا دانەێد.


نامەگە ١٠ خاڵ لەناوی بوی، لە تەوەرەیل سیاسەت هەرێم کوردستان، لە پابەندبوینی وە دەستوور لە چارەسەرکردن کێشەیل، تایبەت لە مه‌سه‌له‌ی مووچەی فەرمانبەرەیل هەرێم.
له‌ نامەگەیش هاتیه‌؛ دەستور ماف بەشداری چەسپانیە جوی بنەمایگ ئەرا دامەزرانن سیستم یه‌كگرتگ لە هەرێمەیل و پارێزگەیل بی هەرێم، وەگورەی بنەمایل یەکسانی، ک وەبی یەکسانی ناوبەین هاوڵاتیەیل هەرێم و ئەو پارێزگایل عیراق یه‌كسانی دروس نێەود، ومووچەی فەرمانبەرەیلیش لەی شایستەیلەسە.
نامەگە دیاری کرد ک فەرمان بڕین مووچەی فەرمانبەرەیل هەرێم کار نایاساییگە، و ژیرپانان بنەمای یەکسانی، و نه‌هیشتن یەک جویری دەرفەته‌، وه‌ تایبەت ک مووچەی فەرمانبەرەیل حكومەت لەو پانزە پارێزگاگە وە رێکی و بی وسان دریه‌ید.


هه‌میش هاتیه‌؛ هەرێم کوردستان مانگانە شایسته‌ دارایی وەگورەی ١/١٢ لە خەرج کردن راسی ئەرا ساڵ دارایی ٢٠١٩ دیرێد، وەگورەی ئەو پارێزگایل تر، وەلی شایست دارایی 3 مانگ وەرین هەرێم لە ساڵ ٢٠٢٠ نەدریاس، بیجگە قەرەبوو فەرمانبەرەیل هەرێم ک رەسێدە ٤٥٢ ملیار دینار، ک ئەمیندارەیەتی گشتی ئەنجومەن وەزیران خوازێد بوڕێدەی، ئەوەیش ژێرپا نان یاساس.
هەرێم کۆردستان لە نامەگەیش وت؛ ک (مادەی ١٠ ج / ثانيا ) لە یاسای بوودجەی ئیتیحادی ٢٠١٩ باس لە پابەندبوین حكومەت ئیتیحادی وەداین شایستەگان هەرێم کوردستان کرد، وەل قەربوو فەرمانبەرەیل، وئەگەر هەرێم بەشە نەفتەگە نەیا، وەگورەی ئەو زەرەدە لەبەشەگەی بڕیەد.
رونیش کرد ک وەکارهاوردن تەوەر تایبەت لە مادەی ٢٧ لە یاسای وەڕیەوبردن دارایی، ئەرا بڕین مووچەیل هەرێم لە جی خوەی نیە، وهیمانی هەرێم فرەتر لە یەک ملیۆن ئاوارە وەخاوەن کردیە، یەیش هیلی هەرێم قورسی خەرجیان هەڵگرێد، وەبی کەمترین ده‌سمه‌یت حوکمەت ئیتیحادی.


وتیش؛ حوکمەت ئیتیحادی شایستەگان هەرێم لە شوبات ٢٠١٤ تا ساڵ ٢٠١٩ رەوانە نەکردیە، ک هیشت هەرێم سەرچەویلیگ تر پەیا بکەێد، ئەرا خەرج و خوازینی وە ری قەرزکردن ، وکەم کردن خەرجەیل گشتی، وپاشکەوت کردن.
و ئاماژە كریاس ک هەرێم پشتگیری لە یەکلاکردنەوی كیشه‌یل ئەو ساڵەیلە ناوبەین هەرێم و حوکمەت کەێد، وەگورەی ئەوانەیگ لە یاسای دارایی باس لەلیان کریاگە، تا ماف و پابەندی هەردولا بچەسپێد.
لە نامەگەیش هەڵوێست هەرێم ئەرا یەکلاکردن کەیسەگە لە بان بنەمای هاوبەشی نووەو کرد، وداوای دووارە تەماشایگ لە فه‌رمان بڕین مووچەی فەرمانبەرەیل کرد، وەگورەی تەمەیل هاوبەشی ک لە کۆبونەوەی ٢٠ نیسان ٢٠٢٠ بەغدا ئەرای رەسینە.

related