2019-03-07 17:46:00

شه‌فه‌ق نيوز/ وڵاته‌يل يه‌كگرتگ و هه‌رێم كوردستان جه‌خت له‌ خواست دابينكردن ئارامى و سه‌قامگيرى كردن له‌ ناوچه‌يل ئازادكرياێ له‌ژير ده‌سڵات ريكخرياگ تيرۆريستى داعش له‌وه‌ر خاتر ئه‌وه‌گ ئاواره‌يل گله‌و بخوه‌ن ئه‌را ناوچه‌يليان و زه‌مانه‌تكردن ئاينده‌يان.

 

ماڵپه‌ڕ سه‌رۆك پارت ديموكرات كوردستان له‌ به‌ياننامه‌يگ وت: بارزانى له‌ وه‌خت پيشوازيكردنى له‌ شانديگ باڵاى وه‌زاره‌ت خارجى ئه‌مريكا ك پيكهات له‌ دنيس ناتالى ده‌سميه‌تده‌ر وه‌زير خارجيه‌ى ئه‌مريكى و ئه‌ندرۆ بيك ده‌سميه‌تده‌ر وه‌زير خارجيه‌ ئه‌را كاروبار ئيران و عراق و ستيفن فاكين باڵێۆز ئه‌مريكى له‌ هه‌ولێر و شماره‌يگ له‌ راوێژكاره‌يل له‌ خارجيه‌ى ئه‌مريكا باس له‌ په‌يوه‌ندى دولايه‌نه‌ى ناونى هه‌رێم و وڵاته‌يل يه‌كگرتگ و بارودوخ ئاواره‌يل و ناوچه‌يل ئازادكرياێ كردنه‌.

 

به‌ياننامه‌گه‌ هه‌ميش وت: شاند ميوان له‌و ديداره‌ سڵام مايك بينيس جيگر سه‌رۆك ئه‌مريكى ره‌ساننه‌سه‌ بارزانى و جه‌خت له‌وه‌ كردنه‌ ك بينيس رێز وحورمه‌ت گه‌ورايگ ئه‌را هه‌رێم كوردستان ديرێد له‌وه‌ر مقه‌يه‌تيكردنى له‌ پيكهاته‌يل نه‌ته‌وه‌يى و ئايينى و لاى خوه‌ييشه‌و بارزانى سوپاسگوزارى خوه‌ێ پيشكه‌ش وه‌پى كرد.

YesIraq