2020-02-21 21:42:26

شه‌فه‌ق نيوز/ مه‌سعود بارزانى سه‌ركرده‌ى كورد، جه‌خت له‌ وجوود ده‌ركه‌فته‌ى ناونى هه‌ولێر و سلێمانى كرد، وه‌لێ باوه‌ڕى ئه‌وه‌سه‌ ئه‌وه‌ حاڵه‌تيگ ديموكراتيه‌.

 

بارزانى له‌ ديمانيه‌گ وه‌ل "ئه‌ندبندنت" عه‌ره‌بى ك شه‌فه‌ق نيوز ئاگادارى بوى وت: ده‌ركه‌فته‌ى ناونى هه‌ولێر و سلێمانى حاڵه‌تيگ ته‌ندروسى و ديموكراتيه‌، باس له‌وه‌يش كرد جياوازى هه‌س، وه‌لێ وه‌ل ئه‌وه‌يشا يه‌ك ديد هه‌س له‌ مه‌سه‌له‌يل ستراتيجى و په‌رله‌مان يه‌كيگه‌و حكومه‌تيش يه‌كيگه‌.

 

بارزانى وت: به‌شبوينيگ هه‌س، وه‌لێ نه‌ك له‌بان مه‌سه‌له‌يل ستراتيجى، ئه‌دێ له‌بان نفوز و ركابه‌رى حزبى و چشته‌يل له‌ مه‌سه‌له‌يل ئاسايش باسى بكه‌يم، وه‌لێ ئايا ئه‌يانه‌ كاريگه‌رى ديرن له‌بان له‌ناوبردن گه‌نده‌ڵى؟ سه‌ركرده‌ى كورد ئويشيد: بيگومان گه‌نده‌ڵى وجوود ديرێد له‌ هه‌رێم جوور ئه‌وه‌گ له‌ هه‌ر وڵاتيگ تر هه‌س، وه‌لێ له‌ى ماوه‌ى دوياخره‌ ياسايگ خاسسازى دارايى و ئابوورى له‌ په‌رله‌مان جيگير كريا، يه‌يش نه‌خشه‌ڕييگه‌ ئه‌را بنبڕكردن گه‌نده‌ڵى له‌ كوردستان.

 

}