2019-06-24 09:54:32

شه‌فه‌ق نيوز/ مه‌سرور بارزانى سه‌رۆك راسپارياێ ئه‌را دامه‌زرانن حكومه‌ت تازه‌ له‌ هه‌رێم كوردستان هه‌وڵ وه‌رگرتن ناو كانديده‌يل ئه‌را پۆسته‌يل وه‌زارى له‌ هه‌ردوگ حزب يه‌كێتى نيشتمانى كورستان و بزووتنه‌وه‌ى گۆڕان ئه‌ياد له‌ واده‌يگ ك دانرياگه‌ له‌ 27/6/ 2019.

 

بڕياره‌ بارزانى كابينه‌ حكوميه‌گه‌ى ئه‌را په‌رله‌مان هه‌رێم كوردستان پيشكه‌ش بكا له‌وه‌ر وه‌رگرتن متمانه‌ له‌ 30 ئى مانگه‌، يه‌يش وه‌و مانا وه‌رجه‌ هاتن پشوو ته‌شريعى ك ئه‌كه‌فێده‌ يه‌ك ته‌ممووز ئاينده‌.

 

جى باسه‌، پارت ديموكرات كوردستان ك سه‌ركه‌فتگ يه‌كه‌م بوێ له‌ هه‌ڵوژاردنه‌يل په‌رله‌مانى ك ئه‌يلول ساڵ گوزه‌يشت 2018 ئه‌نجام دريا، ناو كانديده‌يلێ ئه‌را وه‌زاره‌ته‌يل له‌ حكومه‌ت تازه‌ يه‌كلاوه‌ كرد، وه‌لێ ناو كانديده‌يل هه‌ر يه‌ك له‌ يه‌كێتى نيشتمانى كوردستان و بزووتنه‌وه‌ى گۆڕان هيمان يه‌كلاوه‌ نه‌ويه‌.

FaceIraq
}