2019-08-27 19:55:47

شه‌فه‌ق نيوز/ ليژنه‌ى كاروبار شه‌هيده‌يل و قوربانيه‌يل له‌ناوبردن وه‌جه‌م(جينۆسايد)و زيندانيه‌يل سياسى له‌ په‌رله‌مان كوردستان، جه‌خت له‌ خواست هه‌ڵه‌په‌كردن له‌ كاروباره‌يل په‌يوه‌س وه‌ ژيان و گوزران كه‌س و كار شه‌هيده‌يل كرد.

 

ليژنه‌گه‌ له‌ به‌ياننامه‌يگ ئه‌را شه‌فه‌ق نيوز ئه‌وه‌ ده‌رخست ك دانيشتنيگ وه‌ ئامانج تاووتوێكردن چه‌ن ته‌وه‌ريگ په‌يوه‌س وه‌ كه‌س وكار شه‌هيده‌يل و قوربانيه‌يل وه‌جه‌م و زيندانيه‌يل سياسى ساز كردگه‌ وه‌ سه‌رپه‌رشى سه‌وسه‌ن محه‌مه‌د ميرخان سه‌رۆك ليژنه‌گه‌ و وه‌ئاماده‌بوين جيگر سه‌رۆك و بڕيارده‌ر و ئه‌ندامه‌يل و راێژكاريل ليژنه‌گه‌.

 

به‌ياننامه‌گه‌ باس له‌وه‌ كرد له‌و دانيشتنه‌ له‌ سه‌ره‌تا گشت ئه‌و كتاوه‌يله‌ تاووتوێ كريانه‌ ك كلكرانه‌ ئه‌را ليژنه‌گه‌و جواويان درياسه‌و وه‌شيوه‌يگ گونجياێ و ئاماژه‌ وه‌يه‌يش كرد سه‌رۆك ليژنه‌ جه‌خت له‌ هه‌ڵه‌په‌ڵه‌كردن له‌ كاره‌يل په‌يوه‌س وه‌شيوه‌يگ راسه‌وخۆ وه‌ حاڵه‌ت گوزران و بژيوى كه‌س وكار شه‌هيده‌يل كردگه‌و دوياخريش چه‌ن ته‌وه‌ريگ تاووتوێ كرياگه‌ له‌باره‌ى قه‌وره‌يل وه‌جه‌م و سه‌ردان به‌غداو راسه‌وكردن ياساى مافه‌يل و ئمتيازه‌يل كه‌س وكار شه‌هيده‌يل و قه‌ره‌بووكردنيان و پاكه‌وكردن ليسته‌يل په‌يوه‌س وه‌ ناو شه‌هيده‌يل و كيشه‌ى زيندانيه‌يل سياسى و دياريكردن رووژ ماته‌مينى گشتى ئه‌را گشت كاره‌ساته‌يليگ ك تويش كوردستان هاتگه‌.

}