2019-03-25 17:28:00

شه‌فه‌ق نيوز/ ده‌سڵاته‌يل ناوچه‌يى له‌ شاره‌يل هه‌رێم كوردستان ئاماده‌باسى خوه‌يان ده‌رخستن ئه‌را هه‌ر حاڵه‌تيگ له‌باره‌ى لافاوه‌يل دوياى شه‌پۆل فريه‌يگ له‌ واران كه‌ مه‌ترسى روێداين لافاو له‌لێ ئه‌كريه‌ێد.

 

له‌و باوه‌ته‌و، شاره‌كانى قه‌زاى ده‌ربه‌نديخان رينمايى دا هاووڵاتيه‌يل له‌ ماڵه‌يليان بمينن له‌وه‌ختيگ رێژه‌ى ئاوه‌يل به‌رزه‌و ئه‌دێ و قه‌ره‌باڵغى دروس نه‌كه‌ن له‌ جاده‌يل.

 

وه‌ل ئه‌وه‌يشا قايمقاميه‌ى كه‌لار داوا له‌ هاووڵاتيه‌يل نيشته‌جى نزيك ده‌رياچه‌ى سيروان و ناوچه‌يل نزم كرد مقه‌يه‌ت بوون و له‌ هه‌ر حاڵه‌تيگ نه‌خوازرياێ ئاگادار تيمه‌يل وه‌رگرى شارستانى بكه‌ن.

 

جى باسه‌، تيمه‌يل وه‌رگرى شارستانى له‌ ئداره‌ى راپه‌ڕينيش كادره‌يلى خسته‌سه‌ ئاماده‌باشييه‌و ئه‌را روێ وه‌ڕوێ بوينه‌وه‌ى لافاوه‌يل له‌ئاكام واران وارين وه‌رده‌وام له‌ هه‌رێم كوردستان و ئاماده‌گى خوه‌يشى نيشاندا ئه‌را هه‌ر حاڵه‌تيگ له‌ناكاو.

YesIraq