2019-01-21 17:26:00

شه‌فه‌ق نيوز/ وه‌ڕيه‌وبه‌رايه‌تى پۆليس سلێمانى ئاشكراى كرد ك هيزه‌يل پۆليس ناوه‌ند سه‌يوان تويه‌نستنه‌ له‌ هه‌فته‌ى گوزه‌يشت 13 تومه‌تبار ده‌سگير بكه‌ن و باس له‌وه‌يش كرد ك يه‌كيگ له‌ليان ده‌سوه‌سه‌ر كرياگه‌ ك ته‌قه‌ له‌ هووڵاتييگ كردگه‌و زه‌خمدارى كردگه‌.

 

وه‌ريه‌وبه‌رايه‌تيه‌گه‌ له‌ به‌ياننامه‌يگ وت: دو كه‌سيش وه‌ چه‌ك بى موڵه‌ته‌و ده‌سگير كريانه‌ بيجگه‌ ده‌سگيركردن كه‌سيگ تر وه‌ گووره‌ى مادده‌ى 396 له‌ ياساى سزايه‌يل عراقى و ده‌سگيركردن يه‌كيگ تر وه‌ گووره‌ى مادده‌ى 229 له‌ هه‌مان ياسا.

 

جى باسه‌، به‌ياننامه‌گه‌ هه‌ميش وت: هه‌يشت تومه‌تبار تر ده‌سگير كريانه‌ ك له‌لايه‌ن دادگاوه‌ داواكرياێ بوينه‌ وه‌ گووره‌ى بڕيگ مادده‌ له‌ ياساى سزايه‌يل عراقى.

YesIraq