2019-05-02 10:12:34

شه‌فه‌ق نيوز/ سه‌رچه‌وه‌يگ باڵا له‌ وه‌زاره‌ت خارجيه‌، وت: ئه‌وه‌گ روێدا له‌ گرده‌وبوين و په‌لامارداين ئه‌را بان كونسوڵخانه‌ى كوه‌يت له‌ شار به‌سره‌ و داگرتن ئاڵاى كوه‌يت ناقه‌بول و ره‌ته‌و كرياگه‌.

 

له‌ى باوه‌ته‌و رووژنامه‌ى قه‌به‌س له‌ زووان سه‌رچه‌وه‌گه‌ وت: ئاگادار خارجيه‌ى عراقيه‌ كرديمنه‌ له‌وه‌گ ئى مه‌سه‌له‌ وه‌بى جواودانه‌وه‌ ناكريه‌ێد و هه‌وڵ ئه‌يه‌يم وه‌ هه‌ماهه‌نگى وه‌ل كونسوڵ كوه‌يت له‌ به‌سره‌ راپۆرتيك له‌ى باوه‌ته‌و ئاماده‌ بكه‌يم وه‌تايبه‌ت له‌بان هه‌ر زه‌ره‌ده‌يليگ له‌ كونسوڵخانه‌گه‌.

 

سه‌رچه‌وه‌گه‌ وت ئه‌و گرده‌وبوينه‌ ك روێداگه‌ وه‌ بوونه‌ى لێدوانه‌يل ئى دوياخر يه‌كيگ له‌ شێخه‌يل كوه‌يت بويه‌ وه‌ناو فه‌لاح بن جامع ك قسه‌ى خراو وه‌ ژنه‌يل به‌سره‌يى كردگه‌و زويتريش داواى لێبوردن كردگه‌ له‌وه‌ر نه‌هيشتن قه‌يران.

YesIraq
}