2019-03-16 07:48:00

شه‌فه‌ق نيوز/ حكومه‌ت هه‌رێم كوردستان، وه‌ بوونه‌ى 31ه‌مين ساڵياد كيمياوارانكردن هه‌ڵه‌به‌جه‌ وه‌ چه‌ك كيمياوى، داوا له‌ حكومه‌ت عراقى كرد ئه‌ركه‌يل ياسايى و ئه‌خلاقى خوه‌ى وه‌رانوه‌ر ئى پاريزگاو مه‌ردمه‌گه‌ێ جيوه‌جێ بكا.

 

له‌و باوه‌ته‌و، ئه‌نجومه‌ن وه‌زيره‌يل هه‌رێم كوردستان له‌ به‌ياننامه‌يگ ئه‌را شه‌فه‌ق نيوز وت: ئمڕوو 31 ساڵ وه‌بان كاره‌سات كيمياوارانكردن هه‌ڵه‌بجه‌ له‌بان ده‌س رژيم وه‌رين عراق گوزه‌ر ئه‌كا ك سه‌ربار شه‌هيدبوين په‌نج هه‌زار هاووڵاتى بيتاوان، هه‌زاران تريش زه‌خمدار بوين و تائيسه‌يش زوورميان گيركردنه‌ وه‌ده‌س كاريگه‌ريه‌يل خراو ته‌ندروسى و ده‌روينى ئه‌و كاره‌ساته‌، يه‌يش بيجگه‌ ئاواره‌بوين هه‌زاران خيزان و ويرانكردن و شيوانن ژينگه‌ى ئه‌و ناوچه‌ى دڵگير كوردستانه‌.

 

به‌ياننامه‌گه‌ هه‌ميش وت: چه‌وه‌ريمان له‌ حكومه‌ت عراقيش ئه‌نجامداين ئه‌رك ياسايى و ئه‌خلاقيى خوه‌يه‌ ده‌رهه‌ق ئى پاريزگاو مه‌ردمه‌گه‌ى له‌گشت جووره‌ گرنگيدانيگ وه‌ل قه‌ره‌بووكردنه‌وه‌ى ماددى و مه‌عنه‌وى مه‌ردم و ژينگه‌گه‌ێ جوور قوربانيى ده‌س ده‌وڵه‌ت عراق.

YesIraq