2019-09-06 09:48:04

شه‌فه‌ق نيوز/ دوياى سه‌ردانيگ ك ئه‌را ماوه‌ى دو رووژ دريژه‌ داشت ئه‌را لاى لايه‌نه‌يل عراقى، شاند په‌رله‌مان كوردستان گله‌و خوارد ئه‌را هه‌ولێر پايته‌خت هه‌رێم كوردستان و ئه‌نداميگيش له‌ شانده‌گه‌ ناوه‌ڕووك سه‌ردانه‌گه‌ ئاشكرا كرد.

 

له‌و باوه‌ته‌و، جه‌لال محه‌مه‌د ئه‌ندام په‌رله‌مان كوردستان، وت: شاند په‌رله‌مان كوردستان ك پيكهاتوێد له‌ نوێنه‌ره‌يل هه‌ر يه‌ك له‌ فراكسيۆنه‌يل پارتى و يه‌كێتى و گۆڕان و كۆمه‌ڵ ئسلامى و يه‌كێتى ئسلامى له‌ سه‌ردانه‌گه‌يان ئه‌را به‌غدا چه‌ويان كه‌فته‌سه‌ هه‌ر يه‌ك له‌ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل و زوورم فراكسيۆنه‌يل جياجيا له‌ په‌رله‌مان و نوێنه‌ر نه‌ته‌وه‌يل يه‌كگرتگ له‌ عراق و شماره‌يگ له‌ لايه‌نه‌يل تر.

 

محه‌مه‌د وت: شاند كوردستان له‌گشت ديداره‌يلێ باس له‌ گرنگى ئه‌وه‌ كردگه‌ به‌غدا وه‌گووره‌ى ده‌ستوور گشت مافه‌يل دارايى و بودجه‌ بيه‌ێده‌ هه‌رێم و قه‌ره‌بوو قه‌رزه‌يل و پاشه‌كه‌وت مووچه‌ى كارمه‌نده‌يلێ بكا.

 

جى باسه‌، محه‌مه‌د له‌باره‌ى بودجه‌يش باس له‌وه‌يش كرد ك به‌غدا قه‌وڵ ئه‌وه‌ داگه‌ له‌ڕێ دانيشتنه‌يل چه‌وه‌ڕيكرياێ وه‌ل شاند حكومه‌ت هه‌رێم ريككه‌فتنيگ ئه‌نجام بيه‌ێد به‌رژوه‌نديه‌يل كورد له‌تى بدێ.

YesIraq
}