2018-11-13 16:53:00

شه‌فه‌ق نيوز/ حكومه‌ت هه‌رێم كوردستان، جه‌خت له‌وه‌ كرد ناوردنه‌وه‌ى ئداره‌و ده‌زگايه‌يل شه‌رعى ئه‌را قه‌زاى شه‌نگاڵ ئه‌دێده‌ هووكار بۆشايى ئدارى و سياسى و بارودوخ ناسه‌قامگير، هه‌ر وه‌و خاتريشه‌ داوا له‌ حكومه‌ت عراقى كرد هه‌ڵه‌په‌ڵه‌ بكا له‌ هاوردنه‌وه‌ى ئداره‌ى شه‌رعى ئه‌را قه‌زاگه‌و ده‌س بكاده‌ ئاوه‌دانكردنه‌وه‌ى له‌وه‌ر ئه‌وه‌گ مه‌ردمه‌ ئاواره‌گه‌ێ بتويه‌نن بانه‌و.

 

ديندار زێبارى ريكخه‌ر راسپارده‌ى نێوده‌وڵه‌تى له‌ حكومه‌ت هه‌رێم كوردستان له‌ به‌ياننامه‌يگ وت: له‌ئاكام ئه‌و په‌لامار دڕندانه‌ ك ريكخرياگه‌يل تيرۆريستى ئه‌نجامى دان ئه‌را بان قه‌زاێ شه‌نگاڵ، روڵه‌يلى تويش ئاواره‌يى و كووچكردن هاتن له‌ ماڵ و موڵكه‌يليان و روێ له‌ هه‌رێم كوردستان كردن.

 

جى باسه‌، زێبارى هه‌ميش وت: دوياى سێ ساڵ له‌ ئازادكردن ئه‌و قه‌زا له‌لايه‌ن هيزه‌يل پێشمه‌رگه‌ و دوياى ئه‌وه‌يش هاتن هيزه‌يل عراقى ئه‌را ناو شاره‌گه‌، به‌ش فريه‌يگ له‌ ئاواره‌يل ئه‌و شاره‌ ناتويه‌نن گله‌و بخوه‌ن ئه‌را شوون و ماوايان و له‌ناو كه‌مپه‌يل مه‌ندنه‌و ئداره‌ى شه‌رعييش ئه‌را قه‌زاگه‌ ناته‌سه‌و، له‌ هه‌مان وه‌خت زێبارى داواى كه‌مه‌وكردن له‌ كاريگه‌ريه‌يل خارجييش كرد له‌ى ناوچه‌.

YesIraq
}