2019-05-02 20:27:34

شه‌فه‌ق نيوز/ وه‌زاره‌ت په‌روه‌رده‌ له‌ حكومه‌ت هه‌رێم كوردستان، بڕيار وسانن وازكردن خوه‌ندنگايه‌يل ئه‌هلى داو رينمايه‌يل فريه‌يگيش ئه‌را خوه‌ندنگايه‌يل ئه‌هلى و حكومى ده‌ركرد.

 

له‌ كتاويگ وه‌ڕيه‌وبه‌رايه‌تى گشتى په‌روه‌رده‌ى پاريزگاى هه‌ولێر هاتگه‌، بڕيار درياگه‌ گشت جووره‌ ئعلانيگ له‌ روێ خوه‌ندنگايه‌يل ئه‌هليه‌و قه‌يه‌غه‌ بكريه‌ێد.

 

وه‌گووره‌ى بڕياريگ تر وه‌ريه‌وبه‌رايه‌تيه‌گه‌ له‌بان رينمايى وه‌زاره‌ت په‌روه‌رده‌ هاتگه‌، قه‌يه‌غه‌س گشت جووره‌ خوارده‌مه‌نييگ له‌ ده‌يشت خوه‌ندنگايه‌يل ئه‌هلى و حكومه‌ى بوريه‌ێده‌ ناو خوه‌ندنگايه‌يل و پيشكه‌ش وه‌ خوه‌ندنكاره‌يل بكريه‌ێد، ئه‌ويش له‌وه‌ر سه‌ڵامه‌تى ژيان خوه‌ندنكاره‌يل.

 

جى باسه‌، بڕياريش درياگه‌ قه‌يه‌غه‌ له‌ وازكردن خوه‌ندنگايه‌يل ئه‌هلى و باخچه‌ى مناڵه‌يل بكريه‌ێد، ئه‌ويش له‌بان رينمايى ئه‌نجومه‌ن وه‌زيره‌يل هه‌رێم كوردستان، يه‌يش له‌وه‌ختيگ ئى بڕياره‌يله‌ دريا ك نزيكه‌ى 300 خوه‌ندنگاو باخچه‌ى مناڵه‌يل و په‌يمانگاى ئه‌هلى له‌ هه‌رێم كوردستان وجوود ديرێد.

YesIraq
}